ৰংগমঞ্চ শিল্পী বঁটা গুণ মহন্ত-সিদ্ধাৰ্থ শৰ্মালৈ

নগাঁৱৰ অগ্ৰণী সাংস্কৃতিক অনুষ্ঠান ‘ৰংগমঞ্চ’ই চলিত বৰ্ষৰ ‘ৰংগমঞ্চ শিল্পী বঁটা’ আগবঢ়াইছে অসমৰ জনপ্ৰিয় অভিনেতা গুণ মহন্ত আৰু বেহাৰবাৰী আউট পোষ্টৰ কে কে খ্যাত সিদ্ধাৰ্থ শৰ্মাক ৷ অহা ১১ আগষ্টত নগাঁও চহৰৰ ফৌজদাৰীপট্টিৰ কলামন্দিৰত সন্ধিয়া অনুষ্ঠিত হ’বলগীয়া এক অনুষ্ঠানত এই বঁটা প্ৰদান কৰা হ’ব ৷ অনুষ্ঠানৰ লগত সংগতি ৰাখি গগন চৌধুৰী ৰচিত আৰু পৰিচালিত ‘পাপী নহয় মহপাপী’ নাটখনি মঞ্চস্থ কৰা হ'ব বুলি উদ্যোক্তাসকলে জনাইছে ৷