ভাৰতীয় মূলৰ গণিতজ্ঞ অক্ষয় ভেংকটেশলৈ নোবেল স্বৰূপ 'ফিল্ড মেডেল' বঁটা

ভাৰতীয় মূলৰ প্ৰসিদ্ধ গণিতজ্ঞ অক্ষয় ভেংকটেশে লাভ কৰিছে সন্মানীয় 'ফিল্ড মেডেল' বঁটা৷ অংকশাস্ত্ৰৰ নোবেল বঁটা হিচাপে অভিহিত এই বঁটা ভেংকটেশৰ উপৰি লাভ কৰিছে আন চাৰিগৰাকী গণিতজ্ঞই৷

উল্লেখ্য যে নতুন দিল্লীত জন্ম গ্ৰহণ কৰা আৰু বৰ্তমান অষ্ট্ৰেলিয়াৰ ষ্টেনফ'ৰ্ড বিশ্ববিদ্যালয়ৰ প্ৰ'ফেছৰ ৩৬ বছৰীয়া ভেংকটেশে ২০ বছৰ বয়সতে পি এইড ডি ডিগ্ৰী লাভ কৰিবলৈ সক্ষম হৈছিল৷ ভেংকটেশে ডক্টৰেটৰ বাবে মেছাছুৱেট ইনষ্টিটিউচন অব্‌ টেকন’লজীত গৱেষণা কৰিছিল৷

তেওঁৰ কৰ্মক্ষেত্ৰ হ'ল সংখ্যা তত্ত্ব, জ্যামিতি, টপ’লজী, অট’মৰফিক ফৰ্ম আৰু এৰগ'ডিক তত্ত্ব৷ এই বঁটাটোৰ মূল্য হ'ল ৪ হাজাৰ ডলাৰ আৰু ৪ বছৰৰ মূৰে মূৰে এই বঁটা প্ৰদান কৰা হয়৷