গোলাঘাটৰ উপায়ুক্ত কাৰ্যালয়ত আগন্তুক নিৰ্বাচনী প্ৰক্ৰিয়া সন্দৰ্ভত সভা

গোলাঘাটৰ পৰা মীনাক্ষী ফুকন

আগন্তুক লোকসভা নিৰ্বাচনৰ নিৰ্বাচনী আচৰণ বিধি জ্ঞাত কৰোৱাৰ উদ্দেশ্যে দেওবাৰে নিশা গোলাঘাট জিলা উপায়ুক্ত ধীৰেণ হাজৰিকাৰ আহ্বানমৰ্মে গোলাঘাট সমষ্টিৰ সংবাদকৰ্মীসকলক উদ্দেশ্যি উপায়ুক্ত কাৰ্যালয়ৰ সভাকক্ষত এখনি জৰুৰীকালীন সভা অনুষ্ঠিত হয়। নিৰ্বাচনী গতি-বিধি সম্পৰ্কত জিলা উপায়ুক্তই বিশদ বিৱৰণী দাঙি ধৰাৰ লগতে নিয়ম সম্পৰ্কত অৱগত কৰি সচেতনতা সৃষ্টিৰ বাবে সংবাদকৰ্মীসকলক আহ্বান জনায়। গোলাঘাট আৰু খুমটাই সমষ্টিত মুঠ ৪৪৯টা ভোটগ্ৰহণ কেন্দ্ৰত (গোলাঘাটত ২৬১, খুমটাইত ১৮৮) মুঠ ৩,২১,৮৬৫জন ভোটাৰে ভোটদান কৰিব বুলি জানিবলৈ দিয়ে। ইয়াৰোপৰি ভোটিং মেচিনৰ ব্যৱহাৰ সম্পৰ্কতো ডেমো প্ৰক্ৰিয়াৰে অৱগত কৰে।