গোলাঘাট জিলা কংগ্ৰেছৰ বৰ্ধিত কাৰ্যনিৰ্বাহক সভা

গোলাঘাটৰ পৰা মীনাক্ষী ফুকন

আজি গোলাঘাট জিলা কংগ্ৰেছ কমিটীৰ কাৰ্যালয়ৰ সভাগৃহত জিলা কংগ্ৰেছ কমিটীৰ এখন বৰ্ধিত কাৰ্যনিৰ্বাহক সভা অনুষ্ঠিত হয়| জিলা সভানেত্ৰী তথা প্ৰাক্তন মন্ত্ৰী, বৰ্তমানৰ বিধায়িকা অজন্তা নেওগৰ পৌৰোহিত্যত অনুষ্ঠিত এই সভাত জিলা কংগ্ৰেছৰ প্ৰাক্তন সভাপতি তথা বিশিষ্ট নিবন্ধকাৰ, চিকিৎসক ডাঃ অজিত বৰুৱা, প্ৰাক্তন মন্ত্ৰী তথা প্ৰাক্তন বিধায়িকা বিস্মিতা গগৈ, প্ৰাক্তন সংসদীয় সচিব তথা প্ৰাক্তন বিধায়িকা আৰতি হাজৰিকা কছাৰী, প্ৰাক্তন বিধায়ক অৰুণ ফুকন, প্ৰদেশ কংগ্ৰেছৰ ভালেকেইজন বিষয়ববীয়া, জিলা কংগ্ৰেছৰ বিষয়ববীয়াসকল, কেউটা ব্লকৰ সভাপতিসকল, যুৱ কংগ্ৰেছ, মহিলা কংগ্ৰেছ, সেৱা দল, এনএছইউআইৰ বিষয়ববীয়াসকলে অংশগ্ৰহণ কৰে| এই সভাত জিলা সভানেত্ৰী অজন্তা নেওগৰ নেতৃত্বত সমাগত লোকসভা নিৰ্বাচনত গৌৰৱ গগৈক গোলাঘাট জিলাৰ অন্তৰ্গত কেউটা সমষ্টিৰ পৰা বিপুলসংখ্যক ভোট প্ৰদান কৰি জয়যুক্ত কৰোৱাৰ সংকল্প গ্ৰহণ কৰা হয়|