লাহৰীঘাটত আগন্তুক লোকসভা নিৰ্বাচন সম্পৰ্কে এআইইউডিএফৰ কৰ্মীসভা

লাহৰীঘাটৰ পৰা শ্বামিমুল ইছলাম

আগন্তুক লোকসভা নিৰ্বাচনৰ দিন চমু চাপি অহাৰ লগে লগে প্ৰত্যেকটো ৰাজনৈতিক দলে আৰম্ভ কৰিছে নিৰ্বাচনী কুছকাৱাজ। পিছপৰি থকা নাই এআইইউডিএফ দলো৷ আজি লাহৰীঘাট সমষ্টিৰ ধূপগুৰি গাঁও পঞ্চায়তৰ সমূহীয়া পেক্ষাগৃহত এআইইউডিএফ দলৰ মৰিগাঁও জিলা যুৱ মৰ্চাৰ সাধাৰণ সম্পাদক মাহমাদুল নবীৰ সঞ্চালনাত এখনি কৰ্মীসভা অনুষ্ঠিত হয়। সভাখনত দলটোৰ সাংগঠনিক দিশটোক সবল কৰি আগন্তুক লোকসভা নিৰ্বাচনত দলীয় প্ৰাৰ্থীক কেনেকৈ জয়ী কৰাব পাৰে তাৰ ওপৰত বিস্তৃত বক্তব্য প্ৰধান কৰাৰ উপৰি কংগ্ৰেছ দলক চোকা সমালোচনা কৰা দেখিবলৈ পোৱা যায় এআইইউডিএফ দলৰ বিভিন্ন পৰ্যায়ৰ দায়িত্বত থকা বিষয়ববীয়াসকলে।

সভাখনত উপস্থিত থাকে এআইইউডিএফ দলৰ লাহৰীঘাট সমষ্টি কমিটীৰ সভাপতি হাফিজ উদ্দিন, সম্পাদক হিফজুৰ ৰহমান, মৰিগাঁও জিলা যুৱ মৰ্চাৰ সাধাৰণ সম্পাদক মাহমাদুল নবী, লাহৰীঘাট সমষ্টিৰ যুৱ মৰ্চাৰ সাধাৰণ সম্পাদকদ্বয় ক্ৰমে ৱাহিদুৰ ৰহমান, মকিবুৰ ৰহমান,  ধূপগুৰি গাঁও পঞ্চায়তৰ নৱনিৰ্বাচিত সভাপতি মুস্তাফা আহমেদ, আঞ্চলিক সদস্য আছাদুজ্জমান ৰহমান আৰু ৱাৰ্ড সদস্যসকলৰ লগতে প্ৰায় দুই শতাধিক ৰাইজ।