গুৱাহাটী আৰু জাগীৰোড ষ্টেচনত বিস্ফোৰক উদ্ধাৰ 

গুৱাহাটী ৰে'ল জংচনত উদ্ধাৰ কৰা হৈছে বিস্ফোৰক। জংচনৰ ৩নং প্লেটফৰ্মৰ পৰা নিৰাপত্তা বাহিনীয়ে উদ্ধাৰ কৰে বিস্ফোৰকখিনি। এটা প্ৰস্ৰাৱগাৰৰ কাষত এটা পৰিত্যক্ত বেগত ৰখা হৈছিল বিস্ফোৰকখিনি। সেই সময়ত প্লেটফৰ্মটোত ৰখাই থোৱা হৈছিল অৱধ অসম এক্সপ্ৰেছ।

বেগটোৰ পৰা ৪৪০ জিলেটিন আৰু ৭০০ ডাল ডেটনেটৰ উদ্ধাৰ কৰা হয়। আনহাতে, অৱধ অসম এক্সপ্ৰেছৰ ২নং ডবাত জাগীৰোড ষ্টেচনটো উদ্ধাৰ কৰা হয় বিস্ফোৰক। জাগীৰোডত এটা বেগত উদ্ধাৰ কৰা হয় ১৬০ জিলেটিন আৰু ৫০০ ডিটনেটৰ। এই দুই ষ্টেচনত বিস্ফোৰক উদ্ধাৰ হোৱাত চাঞ্চল্যৰ সৃষ্টি হৈছে।