সেনা-আৰক্ষীৰে সংঘৰ্ষত নিহত ডিমাচা নেচনেল আৰ্মীৰ কেডাৰ

ডিমা হাছাও জিলাৰ মাইবং থানাৰ অন্তৰ্গত মতিব্ৰা গাঁৱত আজি পুৱতি নিশা সেনা-আৰক্ষীৰ এটা দলৰ সৈতে উগ্ৰপন্থী সংগঠন ডিমাচা নেচনেল আৰ্মীৰ মাজত প্ৰচণ্ড গুলীয়াগুলীৰ ঘটনা সংঘটিত হয়৷

এই গুলীয়াগুলীৰ ঘটনাত উগ্ৰপন্থী সংগঠনটোৰ এজন কেডাৰ নিহত হোৱা বুলি আৰক্ষী সূত্ৰই জানিবলৈ দিয়ে৷ নিহত কেডাৰজনক অৱশ্যে চিনাক্ত কৰিব পৰা হোৱা নাই৷

সংঘৰ্ষস্থলীৰ পৰা আৰক্ষীয়ে এটা এ কে ছিৰিজৰ ৰাইফল উদ্ধাৰ কৰে৷ অঞ্চলটোত উগ্ৰপন্থীৰ বিৰুদ্ধে তীব্ৰ অভিযান চলি আছে৷