বড়ো সাহিত্য সভাৰ ৫৮সংখ্যক বাৰ্ষিক অধিৱেশনৰ লাইখুঁটা স্থাপন 

গহপুৰৰ দৈমালুত বড়ো সাহিত্য সভাৰ ৫৮ সংখ্যক অধিবেশনৰ লাইখুঁটা আজি স্থাপন কৰা হয়। গহপুৰৰ অসম-অৰুণাচল প্ৰদেশ সীমান্তৰ দৈমালুৰ দৈমালু উচ্চ মাধ্যমিক বিদ্যালয় খেলপথাৰত অনুষ্ঠিত হ’ব এই অধিৱেশন ।

লাইখুঁটা স্থাপন কাৰ্যসূচীত উপস্থিত থাকে বড়ো সাহিত্য সভাৰ সভাপতি তৰেণ বড়ো, প্ৰধান সম্পাদক প্ৰশান্ত বড়ো, অসম সাহিত্য সভাৰ মৈত্ৰীবন্ধন সমিতিৰ কাৰ্যকৰী সভাপতি আৰু সদৌ ব্ৰহ্ম ধৰ্ম সমিতিৰ প্ৰধান প্ৰচাৰক যোগেশ্বৰ ব্ৰহ্মকে ধৰি বহুকেইগৰাকী বিশিষ্ট ব্যক্তি ।  উল্লেখযোগ্য যে অহা ২২, ২৩ আৰু ২৪ জানুৱাৰীত তিনিদিনীয়া বৰ্ণাঢ্য কাৰ্যসূচীৰে অনুষ্ঠিত হ’ব এই অধিৱেশন ।