বঙাইগাঁৱত পঞ্চায়ত নিৰ্বাচন সম্পৰ্কত হেল্প ডেস্ক মুকলি

বঙাইগাঁও সদৰ মহকুমা আৰু মাণিকপুৰ মহকুমাত ৯ ডিচেম্বৰত অনুষ্ঠিত হ'বলগীয়া দ্বিতীয় পৰ্যায়ৰ পঞ্চায়ত নিৰ্বাচনৰ বাবে বঙাইগাঁও জিলা প্ৰশাসন সাজু হৈছে ৷

ইতিমধ্যে প্ৰিজাইডিং আৰু প'লিং বিষয়াসকলৰ প্ৰশিক্ষণ সম্পূৰ্ণ হৈছে ৷ এই বিষয়াসকলৰ সুবিধাৰ্থে বঙাইগাঁও জিলা উপায়ুক্ত কাৰ্যালয়ত স্থাপন কৰা মেনপাৱাৰ মেনেজমেণ্ট চেলত হেল্প ডেস্ক মুকলি কৰা হৈছে ৷

উপায়ুক্ত কাৰ্যালয়ৰ প্ৰথম মহলাৰ দক্ষিণ অংশত স্থাপন কৰা চেলত অহা ৫ ডিচেম্বৰলৈকে এই হেল্প ডেস্ক প্ৰিজাইডিং আৰু প'লিং বিষয়াসকলৰ বাবে মুকলি থাকিব ৷

তেওঁলোকে কিবা জানিব খুজিলে জিলা তথ্য বিষয়া বিজয় মজুমদাৰক ৮৬৩৮০৫০৭৩৯ মোবাইল নম্বৰত যোগাযোগ কৰিব পাৰিব ৷