বিলাসীপাৰাত পঞ্চায়ত নিৰ্বাচন প্ৰচাৰ তুংগত

বিলাসীপাৰাৰ পৰা জহিৰুল ইছলাম 
সমাগত পঞ্চায়ত নিৰ্বাচনক কেন্দ্ৰ কৰি ৰাজ্যত বৰ্তমান তুংগত হৈ উঠিছে নিৰ্বাচনী প্ৰচাৰ কাৰ্য । আগন্তুক পঞ্চায়ত নিৰ্বাচনত  প্ৰতিদ্বন্দিতা কৰিব 
১১১ নং শগুণমাৰী গাঁও পঞ্চায়তৰ সভাপতি পদত নিৰ্দ্দলীয প্ৰাৰ্থী জহিৰুল ইছলাম আহমেদ । যোৱাকালি সন্ধিয়া এখন নিৰ্বাচন প্ৰচাৰ সভাত প্ৰায় ৩ শতাধিক ৰাইজৰ উপস্থিতিত তেওঁ বিভিন্ন সমস্যাৰ সমাধান তথা গাঁৱৰ উন্নয়নৰবাবে কাম কৰি যাব বুলি আশ্বাস প্ৰদান কৰে । 

আনহাতে একেখন গাঁওৰে ১১১ নং শগুণমাৰী গাওঁ পঞ্চায়তৰ সভাপতি পদত প্ৰতিদ্বন্দিতা কৰিব সৰ্বভাৰতীয় সংযুক্ত গণতান্ত্ৰিক মৰ্চা (এ আই ইউ ডি এফ) দলৰ হৈ ৰসিদ আহমেদ । তেওঁৰ নিৰ্বাচন প্ৰচাৰ সভাত উপস্থিত থাকে বিভিন্ন সমাজ কৰ্মী আৰু ২০০ শতাধিক ৰাইজ । দলৰ আদৰ্শ আৰু ৰাইজৰ সুবিধাৰ হকে কাম কৰি যাব বুলি তেওঁ নিজৰ মতামত প্ৰকাশ কৰে ।