নাকৰ মূল্যাঙ্কনত গুৱাহাটী বিশ্ববিদ্যালয়ৰ 'এ গ্ৰেড' : উপাচাৰ্যক সম্বৰ্ধনা আইন ছাত্ৰ সংগঠনৰ

নেচনেল এছেছমেণ্ট এণ্ড এক্ৰিডিয়েচন কাউন্সিল (National Assessment and Accreditation Council, NAAC) চমুকৈ 'নাক'ৰ দ্বাৰা হোৱা মূল্যাঙ্কনত গুৱাহাটী বিশ্ববিদ্যালয়ে 'এ গ্ৰেড' (A-Grade) পাবলৈ সক্ষম হোৱা হেতুকে আজি সদৌ অসম আইন ছাত্ৰ সংগঠনৰ তৰফৰ পৰা বিশ্ববিদ্যালয়ৰ উপাচাৰ্য ডঃ মৃদুল হাজৰিকাক সম্বৰ্ধনা জনোৱা হয় ৷

লগতে আইন পাঠ্যক্ৰমৰ শিক্ষাৰ্থীসকলে সন্মুখীন হোৱা বিভিন্ন সমস্যাৰ সমাধান বিচাৰি স্মাৰক-পত্ৰ প্ৰদান কৰা হয় । সভাপতি কিশোৰ কলিতাই অভিনন্দন পত্ৰ, সাধাৰণ সম্পাদক অনুৰাগ গগৈয়ে এখন ফুলাম গামোচা আৰু অধিবক্তা দেৱাশিস নন্দীয়ে জাপিৰে তেওঁক সম্বৰ্ধনা জনায় ।

অনুষ্ঠানটিত জিলা কমিটীৰ সহঃসম্পাদক পাৰ্থ প্ৰতীম পাঠকৰ লগতে প্ৰাণজিৎ, সাৰঙ্গ, জুৱেন আৰু আন আন সদস্যসমূহো উপস্থিত থাকে ।