বইটামাৰীত নাগৰিকত্ব সংশোধনী বিধেয়কৰ বিৰুদ্ধে আছুৰ জোঁৰ সমদল

নাগৰিকত্ব সংশোধনী বিধেয়ক বাতিলৰ দাবীত বঙাইগাঁও জিলাৰ বইটামাৰীত আজি সন্ধিয়া বইটামাৰী আঞ্চলিক ছাত্ৰ সন্থাই বইটামাৰী আঞ্চলিক নাথ-যোগী ছাত্ৰ সন্থা আৰু বইটামাৰী আঞ্চলিক কলিতা ছাত্ৰ সন্থাৰ সহযোগত প্ৰতিবাদী কাৰ্যসূচী ৰূপায়ণ কৰে ।

ছাত্ৰ সন্থাৰ উদ্যোগত, ৰাইজৰ সহযোগত বইটামাৰীৰ ছহিদ ভৱনৰ পৰা বইটামাৰী আৰক্ষী চকীৰ সম্মুখলৈ জোঁৰ সমদল উলিয়ায় । প্ৰতিবাদকাৰীসকলে চৰকাৰৰ বিৰুদ্ধে সৰৱ হৈ পৰে ।

কাৰ্যসূচীত বঙাইগাঁও জিলা ছাত্ৰ সন্থাৰ সাহিত্য সম্পাদক কল্যাণ বৰুৱাৰ লগতে বইটামাৰী আঞ্চলিক ছাত্ৰ সন্থাৰ নেতৃবৃন্দও উপস্থিত থাকে ।