গহপুৰৰ কলাবাৰীত শোকৰ ছাঁ 

দক্ষিণ কলাবাৰী উচ্চতৰ মাধ্যমিক বিদ্যালয়ৰ অধ্যক্ষ ৰঞ্জিত বৰাৰ পৰলোকপ্ৰাপ্তি ঘটে । যকৃৎ আৰু বৃক্ক জনিত ৰোগত গুৱাহাটীত চিকিৎসাধীন হৈ থকা অৱস্থাত মৃত্যু হয় । ৰঞ্জিত বৰাৰ নশ্বৰ দেহ গৃহ অভিমুখে আনি থকা হৈছে । দক্ষিণ কলাবাৰীৰ পোকপৰা গাঁৱৰ নিৱাসী আছিল প্ৰয়াত অধ্যক্ষগৰাকী । প্ৰয়াত ৰঞ্জিত বৰা এগৰাকী শিক্ষকৰ উপৰিও সমাজ সংগঠকৰূপে পৰিচিত আছিল । তেখেতৰ মৃত্যুত সমগ্ৰ গহপুৰ অঞ্চলত শোকৰ ছাঁ পৰিছে । গহপুৰৰ বিভিন্ন দল সংগঠনে শোক সন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰিছে ।