গুৱাহাটীত নিৰ্বাচিত অঞ্চলত বন্ধ থাকিব সুৰা বিপণী

আজি ষঠ পূজা উপলক্ষে কামৰূপ(নগৰ)জিলা প্ৰশাসনৰ নিৰ্দেশত নিৰ্বাচিত অঞ্চলত বন্ধ থাকিব সুৰা বিপণী ৷ এই নিৰ্দেশ অনুসৰি আজি কামৰূপ জিলা (নগৰ)ৰ নিৰ্বাচিত কিছু অঞ্চলত সুৰা বিক্ৰী বন্ধ ৰখাৰ নির্দেশ জাৰি কৰিছে সুৰা বিপণীসমূহলৈ । সেই অনুযায়ী আজি দিনটোত এ টি ৰোড, আদাবাৰীৰ পৰা মালিগাঁও, পাণ্ডু, বিশাল মেগা মাট পইন্টলৈ বন্ধ থাকিব সুৰা বিপনী ।

আকৌ আনফালে এম জি ৰোড, ভৰলুমুখৰ পৰা গুৱাহাটী ক্লাবলৈকে বন্ধ থাকিব সুৰা বিক্ৰী । পানবজাৰ, ফাঁচীবজাৰ, কুমাৰপৰা অঞ্চলটো বিক্ৰী কৰিব নোৱাৰিব আজি দিনটোত সুৰা । যি সকল সুৰা ব্যৱসায়ীয়ে এই নির্দেশ অমান্য কৰিব তেওঁলোকৰ বিৰুদ্ধে কঠোৰ হোৱা কথাও জানিবলৈ দিছে কামৰূপ জিলা প্ৰশাসনে ।