জামুগুৰিহাটত যুৱ-ছাত্ৰ পৰিষদৰ জোঁৰ সমদল

পৰা প্ৰণৱ জ্যোতি ভট্টাচাৰ্য

অসম জাতীয়তাবাদী যুৱ-ছাত্ৰ পৰিষদৰ কেন্দ্ৰীয় সমিতিৰ ঘোষণা অনুসৰি "অসম আন্তঃৰাজ্যিক পাৰ-পএ ব্যৱস্থা প্ৰৱৰ্তন"ৰ দাবীত অসম জাতীয়তাবাদী যুৱ-ছাত্ৰ পৰিষদৰ জামুগুৰিহাট আঞ্চলিক সমিতিয়ে জামুগুৰি ডাক বঙলাৰ পৰা জামুগুৰি চেণ্টাৰলৈ জোঁৰ সমদল উলিয়ায় ৷

উক্ত জোঁৰ সমদল কাৰ্যসূচীত উপস্থিত থাকে অসম জাতীয়তাবাদী যুৱ-ছাত্ৰ পৰিষদৰ জামুগুৰিহাট আঞ্চলিক সমিতিৰ সভাপতি প্ৰকাশ শইকীয়া, সম্পাদক প্ৰাঞ্জল বৰাৰ লগতে অসম জাতীয়তাবাদী যুৱ-ছাত্ৰ পৰিষদৰ তেজপুৰ জিলা সমিতিৰ উপ-সভাপতি ভূপেন চন্দ্ৰ ওজা আৰু জামুগুৰি আঞ্চলিক সমিতিৰ উপ-সভাপতি সঞ্জীৱ দাস ৷

ইয়াৰ উপৰি জামুগুৰি আঞ্চলিক সমিতিৰ সদস্যসকলৰ লগতে সাতখন আঞ্চলিক শাখাৰ সদস্যসকলেও এই জোঁৰ সমদল কাৰ্যসূচীত অংশগ্ৰহণ কৰে ৷