তিনিচুকীয়াৰ হত্যাকাণ্ডক গৰিহণা বিভিন্ন দল-সংগঠনৰ

বৃহস্পতিবাৰে সন্ধিয়া সংঘটিত হত্যাকাণ্ডক বিভিন্ন দল-সংগঠনে গৰিহণা দিছে ৷ অসম সাহিত্য সভাই এই ঘটনাক তীব্ৰ ভাষাৰে গৰিহণা দিছে । ঘটনাৰ লগত জড়িত দোষীক কঠোৰৰ পৰা কঠোৰতম শাস্তিৰ দাবী জনাইছে সাহিত্য সভাৰ সভাপতি পৰমানন্দ ৰাজবংশীয়ে ৷

অসম প্ৰদেশ কংগ্ৰেছৰ সভাপতি ৰিপুণ বৰাইও এই ঘটনাক গৰিহণা দিছে । দোষীক শীঘ্ৰে গ্ৰেপ্তাৰৰ দাবী জনাইছে ৰিপুণ বৰাই ।

ধলা-শদিয়াত সংঘটিত দুষ্কাৰ্য সম্পূৰ্ণ ৰাজনৈতিক মগজুৰে অতি কৌশলেৰে হত্যালীলাৰ ৰূপ দিয়া হৈছে বুলি উল্লেখ কৰি ইয়াৰ লগত জড়িত দোষীক শীঘ্ৰে চিনাক্ত কৰি কঠোৰ শাস্তি বিহাৰ দাবী জনাইছে দুৰ্নীতি বিৰোধী যুৱশক্তি, অসমৰ সভাপতি ধৰ্মকান্ত গগৈয়ে ৷