নামৰূপৰ পৰা সমীৰণ বৰুৱা
অসমবাসীলৈ এটা ভাল খবৰ । যি সময়ত ইন্ধনৰ আকাশলংঘী মূল্যই ৰাইজক জ্বলা-কলা খুৱাইছে, সেই সময়তে অসম পেট্ৰ'কেমিকেল লিমিটেডে দেশৰ ভিতৰতে প্ৰথম অতি কম মূল্য আৰু প্ৰদূষণমূক্ত ইন্ধন তৈয়াৰ কৰি উলিয়াইছে । নামৰূপ পেট্ৰ'কেমিকেল লিমিটেডে এই "সেউজ আৰু স্বচ্ছ মিথানল কুকিং ষ্টভ" পাইলট প্ৰজেক্ট শুকুৰবাৰে শুভাৰম্ভ কৰে ।
ৰাজ্যবাসীৰ বাবে এয়া নিশ্চয় এক ঐতিহাসিক ক্ষণ । নিটি আয়োগৰ সদস্য, পদ্মশ্ৰী, বিশিষ্ট বৈজ্ঞানীক ডঃ ভি কে সাৰস্বতৰ উপস্থিতিত শুভাৰম্ভ কৰা ডিব্ৰুগড়ৰ নামৰূপস্থিত অসম পেট্ৰ'কেমিকেলছ লিমিটেডত শুভ উদ্বোধন কৰে দেশ তথা এছিয়া মহাদেশৰ প্ৰথমখন এই আঁচনি ৷
লগতে সুদূৰ ছুইডেনৰ পৰা অনা হৈছে মিথানলত ব্যৱহৃত এই ষ্ট'ভ । নিটি আয়োগৰ নিৰ্দেশত অসম চৰকাৰৰ উদ্যোগ আৰু বাণিজ্য বিভাগৰ সৌজন্যত শুকুৰবাৰে এই আঁচনিৰ শুভাৰম্ভ কৰে বিশিষ্ট বিজ্ঞানীগৰাকীয়ে ।
ৰন্ধন গেছৰ বিকল্প এই ইন্ধন মিথানল ৩০ শতাংশ কম মূল্যৰ সেউজ আৰু স্বচ্ছ ইন্ধন হিচাপে উপলব্ধ হ'ব । এই আঁচনিৰ কুকিং ষ্ট'ভৰ যি ব্যৱস্থা সেয়া এছিয়া মহাদেশৰ ভিতৰতে প্ৰথম । এই আঁচনি উদ্বোধনৰ পাছতেই এই ইন্ধন পাইলট প্ৰজেক্ট হিচাপে প্ৰথমে অসম পেট্ৰ'কেমিকেল লিমিটেডত কৰ্মৰত পৰিয়ালৰ লোকক প্ৰদান কৰা হয় ।
আনহাতে, এই পাইলট প্ৰজেক্ট সম্পূৰ্ণ কৰি অহা ৩ মাহৰ ভিতৰতে ৰাইজৰ মাজলৈ উলিয়াই দিব অসম পেট্ৰ'কেমিকেল লিমিটেডে । ইফালে এই অনুষ্ঠানত অসম পেট্ৰ'কেমিকেল লিমিটেডৰ পৰিচালন সঞ্চালক ৰাতুল বৰদলৈ, সাংসদ ৰামেশ্বৰ তেলী, অধ্যক্ষ জগদীশ ভূঞা, উপাধ্যক্ষ বিকুল ডেকা, বিজেপিৰ ৰাজ্যিক কাৰ্যনিৰ্বাহক ৰঞ্জিত বৰুৱাকে প্ৰমুখ্য কৰি উপস্থিত থাকে কেইবাগৰাকীও গণ্য-মান্য ব্যক্তি ।
Byte. ডঃ ভি কে সাৰস্বত, বৈজ্ঞানিক
- Log in to post comments
- 42 views
