ৰন্ধন গেছৰ মূল‍্যবৃদ্ধি : মহিলা কংগ্ৰেছৰ বিক্ষোভত উত্তাল সোণাৰি

সোণাৰিৰ পৰা ঘন বৰা

সম্প্ৰতি দিনক দিনে বৃদ্ধি পাইছে ৰন্ধন গেছৰ মূল্য  যাৰ  পৰিপ্ৰেক্ষিতত বিমোৰত  পৰিছে সৰ্ব্বসাধাৰণ  ৰাইজ । জনসাধাৰণক  মাধমাৰ দি অহা বি জে পি চৰকাৰৰ বিৰুদ্ধে আজি চৰাইদেউ জিলাৰ সদৰ সোণাৰিত ৰন্ধন গেছৰ মূল‍্যবৃদ্ধি আৰু নীলা কেৰাচিন বন্ধ কৰাৰ বিৰুদ্ধে চৰাইদেউ জিলা মহিলা কংগ্ৰেছৰ উদ্যোগত চৰাইদেউ জিলা কংগ্ৰেছে  উত্তাল প্ৰতিবাদ সাব‍্যস্ত কৰে । সোণাৰিৰ ভজো চাৰিআলিত  ৰন্ধন গেছৰ চিলিণ্ডাৰ সন্মুখত লৈ শতাধিক কংগ্ৰেছ কৰ্মীয়ে বি জে পি চৰকাৰৰ বিৰুদ্ধে প্ৰতিবাদ সাব্যস্ত কৰে । কংগ্ৰেছৰ সেৱা দল আৰু যুৱ কংগ্ৰেছেও এই কাৰ্যসূচীত অংশগ্ৰহণ কৰে ।