বইটামাৰী ইন্দিৰা গান্ধী মহাবিদ্যালয়ৰ ছাত্ৰ একতা সভা আছুৰ দখলত

বঙাইগাঁও জিলাৰ বইটামাৰীৰ ইন্দিৰা গান্ধী মহাবিদ্যালয়ৰ ২০১৮-১৯ বৰ্ষৰ ছাত্ৰ একতা সভাৰ নিৰ্বাচন আজি অনুষ্ঠিত হৈ যায় । ফলাফল অনুসৰি সাধাৰণ সম্পাদক পদত আছু সমৰ্থিত প্ৰাৰ্থী হোমেন ৰায়ে তিলক বৰ্মনক পৰাজিত কৰি বিজয় সাব্যস্ত কৰে ।

ইয়াৰ বিপৰীতে আনকেইটা পদত আছু সমৰ্থিত প্ৰাৰ্থীয়ে বিনাপ্ৰতিদ্বন্দ্বিতাৰে জয়লাভ কৰে । সহ: সাধাৰণ সম্পাদক পদত সুখদেৱ নাথ, সাংস্কৃতিক সম্পাদক পদত ধনজিৎ দাস, ক্ৰীড়া সম্পাদক পদত মৃদুল ৰায় চৌধুৰী, আলোচনী সম্পাদক পদত অৰ্চনা বৰ্মন আৰু ছাত্ৰী জিৰণি কোঠাৰ সম্পাদিকা পদত ধনজিতা সৰকাৰ বিনাপ্ৰতিদ্বন্দ্বিতাৰে বিজয়ী হয় ।

বিজয়ী প্ৰাৰ্থীসকলক মহাবিদ্যালয়ৰ অধ্যক্ষ নাৰায়ণ মেধি, বইটামাৰী আঞ্চলিক ছাত্ৰ সন্থাৰ সভাপতি যিনোদ নাথ, সম্পাদক নীলোৎপল চক্ৰৱৰ্তী, বঙাইগাঁও জিলা ছাত্ৰ সন্থাৰ সাহিত্য সম্পাদক কল্যাণ বৰুৱা, মহাবিদ্যালয়ৰ ছাত্ৰ একতা সভাৰ প্ৰাক্তন বিষয়ববীয়া ধনঞ্জয় গোস্বামী আদিয়ে শুভেচ্ছা জ্ঞাপন কৰে ।