সোণাৰিৰ অসম-নাগালেণ্ড সীমান্তত উত্তপ্ত পৰিস্থিতি : বন্ধ কৰিলে নাগালেণ্ড সংযোগী পথ

সোণাৰিৰ পৰা ঘন বৰা

চৰাইদেউ জিলাৰ সোণাৰিৰ অসম-নাগালেণ্ড সীমান্তৰ নামতোলাত উত্তপ্ত পৰিস্থিতি । অসমৰ ডাম্পাৰ চালকক নাগালেণ্ডত প্ৰহাৰ কৰা ঘটনাক লৈ ক্ষুব্ধ গাড়ীচালক আৰু ৰাইজে নামতোলাত বন্ধ কৰে নাগালেণ্ড সংযোগী পথ ।

উল্লেখ্য যে এন এল-০৪ ডি-৫৮২৬ নম্বৰৰ ডাম্পাৰ চালক অসমৰ খগেন নেৱাৰক শুকুৰবাৰে নাগালেণ্ডৰ টিজিতত নগা দুৰ্বত্তই নিৰ্মমভাৱে মাৰপিট কৰিছিল । উল্লেখ্য যে এনেদৰে বিভিন্ন সময়ত নাগালেণ্ডত অসমৰ লোকসকল নিৰ্যাতনৰ সন্মুখীন হৈ আহিছে ।

অসমৰ পৰা যোৱা যিকোনো নিৰীহ লোকৰ পৰা টকা-পইচা লুট কৰি মাৰপিট কৰি আহিছে নাগালেণ্ডৰ নগা দুবৃৰ্ত্তই ।