দুদিনৰ আৰক্ষী জিম্মালৈ নীলিম মহন্তক,মাতৃয়ে কি কলে পঢ়ক

নিউজ ডেস্ক:

অসমৰ উদীয়মান চিত্ৰশিল্পী নীলিম মহন্তক দুদিনৰ বাবে আৰক্ষী জিম্মালৈ প্ৰেৰণ কৰা হৈছে ।অৰুণাচল আৰক্ষীয়ে দুদিনৰ বাবে নিজৰ জিম্মাত লৈছে মহন্তক।উল্লেখ্য যে বৃহৎ নদীবান্ধ বিৰোধী শ্লোগান সমৃদ্ধ দেৱাল অংকন কৰাৰ অভিযোগত দেওবাৰে অৰুণাচল আৰক্ষীয়ে গ্ৰেপ্তাৰ কৰিছিল শিল্পী মহন্তক।অসম আৰক্ষীৰ সহযোগত অৰুণাচল আৰক্ষীয়ে মহন্তক লক্ষীমপুৰৰ বাসগৃহৰ পৰা গ্ৰেপ্তাৰ কৰিছিল। 
তাৎপৰ্যপূৰ্ণ কথা যে অৰুণাচল প্ৰদেশৰ ৫০বছৰ পূৰ্তি স্মৰণীয় দেৱালত 'NO BIG DAM' লিখাৰ অভিযোগ মহন্তৰ বিৰুদ্ধে।ইটানগৰ আৰক্ষী থানাত জামিনবিহীন ধাৰাত গোচৰ ৰুজু হৈছিল।উল্লেখ্য যে ,কা' আন্দোলন কৰি অখিল গগৈ কাৰাবন্দী হৈ থকা সময়ত অসমৰ বিভিন্ন প্ৰান্তত গগৈৰ চিত্ৰ অংকন কৰিও আৰক্ষীৰ হাতত আটক হৈছিল।
আনহাতে শিৱসাগৰৰ বিধায়ক, ৰাইজৰ দলৰ সভাপতি অখিল গগৈয়ে মহন্তক গ্ৰেপ্তাৰ কৰা ঘটনাক অগণতান্ত্ৰিক আখ্যা দিছে।শীঘ্ৰে অৰুণাচল আৰক্ষীক মুকলি কৰি দিয়াৰ দাবী জনাইছে গগৈয়ে।
ইফালে পুত্ৰক ঘৰৰ পৰা গ্ৰেপ্তাৰ কৰাৰ পাছতেই মাতৃয়ে কয়-“সি আচলতে বৰ সত্য-নিষ্ঠ লৰা,মিছা আশ্ৰয় নলয় ।সৰুৰে পৰা ছবি আঁকি ভাল পাইছিল।ছবিৰে প্ৰকাশ কৰে তাৰ মনৰ ভাষা।কোনোবাই হয়তো তাক প্ৰকাশ কৰাৰ অনুমতি দিলে সেই বাবে প্ৰকাশ কৰিছিল।কিন্তু সেইয়া অপৰাধ হ’ব বুলি ভবা নাছিল।যদি ভুল হৈছে চৰকাৰে সেই ভুলখিনি আঙুলিয়াই ক্ষমা কৰক।
দুখ লাগিছে, দেশৰ বিপৰীতে সি কোনো কাম নকৰে।প্ৰকৃতিক ভালপোৱা ল’ৰা, সমাজৰ বাবে কাম কৰে।সি মোৰ ওচৰত থাকি সময় দিব নোৱাৰে।সমাজৰ বাবেই মই তাক এৰি দিছোঁ, সি সমাজৰ ল’ৰা হৈ পৰিছে।মাতৃ হিচাপে মইও বিচাৰোঁ তাক কাষত ,কিন্তু সময় নাথাকে" - মাতৃয়ে কয়।
ঘৰত পৰিয়ালক সময় দিম বুলিয়েই গুৱাহাটীৰ পৰা আহিছিল।কিন্তু কোনোবাই মতাৰ বাবে সি অৰুণাচলত ছবি অংকন কৰিবলৈ গৈছিল।তাৰ পাছতে এই ঘটনা হৈছে।ইফালে মুখ্যমন্ত্ৰীক কাতৰ আহ্বান জনাই মাতৃয়ে কয়- “মোৰ ল’ৰাটোক নিৰাপদে উলিয়াই দিয়ক।”