March
03
/ 2022
গংগোত্ৰী কাশ্যপ :
ছদিনত প্রায় ছহেজাৰ ৰুছ সেনাক নিঃশেষ কৰা হৈছে। বুধবাৰে এই কথা ব্যক্ত কৰে ইউক্রেইনৰ প্রেছিডেন্ট ভল’দিমিৰ জেলেনস্কিয়ে । যদিও ইউক্রেইনৰ এই দাবীক নস্যাৎ কৰে ৰাছিয়াই ।
প্রায় ৬৪ কি.মি. দীঘল কনভয় লৈ কিয়েভৰ দিশে আগুৱাই আহিছে ৰুছ বাহিনীয়ে । অন্য দিশত ইউক্রেনীয় সেনাক নিঃশেষ কৰিবলৈ খাৰকিভ আৰু কিয়েভত বোমাবর্ষণ কৰিছে ৰুছ বায়ুসেনাই। প্ৰত্যুত্তৰ দিছে জেলেনস্কিৰ বাহিনীয়েও।
যোৱা ২৪ ঘণ্টাত খাৰকিভত ৰুছ বায়ুসেনাৰ বোমাবর্ষণত ২১ জন ইউক্রেনীয় সৈন্য নিহত হৈছে ৷ আহত হৈছে এশৰো বেছি মানুহ। ৰাছিয়াই দাবী কৰে যে তেওঁলোকে খাৰচন চহৰ দখল কৰিছে। খাৰচনৰ গৱর্নৰে জানিবলৈ দিছে যে , সমগ্ৰ চহৰখন আগুৰি ধৰিছে ৰুছ সেনাই।
- Log in to post comments
- 23 views
