তদন্ত প্ৰতিবেদন হেয় কৰিব খুজিলে ভাল নালাগে; আনন্দ মিশ্ৰ বদলি প্ৰসংগত মুখ্যমন্ত্ৰী

"কীৰ্তি কমল বৰাৰ ঘটনাৰে তেওঁ জড়িত নহয় আৰু তদন্তৰ কমিটিৰ প্ৰতিবেদনতো নাম উল্লেখ নাই কিন্তু কমিটী প্ৰতিবেদন হেয় কৰিব খুজিলে ভাল নালাগে"- নগাঁও আৰক্ষী অধীক্ষক আনন্দ মিশ্ৰক বদলিৰ প্ৰসংগত এই মন্তৱ্য মুখ্যমন্ত্ৰী ডঃ হিমন্ত বিশ্ব শৰ্মাৰ।আৰক্ষী নিৰীহ লোকৰ লগত থাকিব লাগিব।অপৰাধীৰ বিৰুদ্ধে কঠোৰ হ’ব লাগিব।অপৰাধীৰ বিৰুদ্ধে কঠোৰ হওঁতে সাধাৰণ নাগৰিকৰ বাবেও কঠোৰ হলে উদ্দেশ্যটোৱে বিপথে যাব বুলি শৰ্মাই লগতে কয়।
উল্লেখ্য যে বৰঠাকুৰ প্ৰতিবেদনক সংবাদমেল পাতি আই পি এছ বিষয়া গৰাকীয়ে প্ৰত্যাহ্বান জনাইছিল।তাৰ পাছতে মুখ্যমন্ত্ৰীৰ নিৰ্দেশ মৰ্মে তাৎক্ষণিক ভাৱে অধীক্ষক মিশ্ৰক অপসাৰণ কৰি জৰুৰীভাৱে তলব কৰা হয় আৰক্ষী সঞ্চালক প্ৰধানৰ কাৰ্যালয়লৈ।
সাধাৰণ নাগৰিকে আৰক্ষীক বেয়া পালে মোৰ কষ্টটো অৰ্থহীন হ’ব বুলি উল্লেখ্য কৰি আৰক্ষীক পুনৰ সকীয়াই মুখ্যমন্ত্ৰী শৰ্মাই কয়- নিৰীহ লোকক একেবাৰেই একো নকৰিব।লাগিলে কোনোবাই গালি পাৰিলেও দুটা গালি শুনিব তাৰ পৰা একো নাযায়, ইউনিফৰ্মত দাগ নালাগে ।কিন্তু অপৰাধীৰ বিৰুদ্ধে ইমানেই কঠোৰ হওক সাধাৰণ জনতাই নিৰাপদ অনুভৱ যাতে কৰে।