বিশ্ব দৰবাৰত জিলিকি উঠিল অসম সন্তান অভিনেতা আদিল হুছেইন

নিউজ ডেস্ক:
অভিনয় জগতলৈ সুখবৰ । বিশ্ববিখ্যাত ‘ফৰ্বছ’ আলোচনীয়ে প্ৰকাশ কৰা হিন্দী মনোৰঞ্জন উদ্যোগত উৎকৃষ্ট অভিনেতাৰ তালিকাত স্থান লাভ কৰিবলৈ সক্ষম হৈছে আদিল হুছেইনে।
আলোচনীখনে প্ৰকাশ কৰা হিন্দী ছবিজগতৰ ৮ গৰাকী “অসামান্য প্ৰতিভাৰ” অভিনেতাৰ তালিকাত আদিল হুছেইনৰ স্থানে পুনৰ এবাৰ গৌৰৱাম্বিত কৰি তুলিছে সমগ্ৰ অসম বাসীক।উল্লেখ্য যে, আদিল হুছেইনে শেহতীয়াকৈ অক্ষয় কুমাৰ অভিনীত ‘বেল বটম’ত ভাৰতীয় চোৰাংচোৱা সংস্থাৰ মুৰব্বীৰ চৰিত্ৰত অভিনয় কৰিছিল।ছবিখনত তেওঁ কৰা অসামান্য অভিনয়ৰ বাবে ফৰ্বছ আলোচনীয়ে আদিল হুছেইনক হিন্দী ছবিৰ শ্ৰেষ্ঠ অসাধাৰণ প্ৰতিভাৰ তালিকাত অন্তৰ্ভুক্ত কৰিছে।
অসমৰ গোৱালপাৰা জিলাত জন্ম লাভ কৰি সুদক্ষ অভিনয়ৰে বিশ্বৰ ছবিপ্ৰেমীৰ মন জয় কৰিবলৈ সক্ষম হোৱা আদিল হুছেইনে কেইবাখনো হিন্দী ছবিত মুখ্য ভূমিকাতো অভিনয় কৰিছে।তদুপৰি “লাইফ অৱ পাই’ৰ দৰে হলীউডৰ ছবিতো সুদক্ষ অভিনয় কৰি তেওঁ সুনাম অৰ্জন কৰিছে।