‘খোজ অসম’ৰ গ্ৰন্থমেলাৰ লাইখুঁটা স্থাপন

ডিব্ৰুগড়ৰ অন্যতম বেচৰকাৰী স্বেচ্ছাসেৱী সংস্থা ‘খোজ অসম’ৰ উদ্যোগত ২ অক্টোবৰৰ ১২ অক্টোবৰলৈ অনুষ্ঠিত হ'বলগীয়া তৃতীয় ডিব্ৰুগড় গ্ৰন্থ মহোৎসৱৰ আজি লাইখুঁটা স্থাপন কৰে । ডিব্ৰুগড় চৌকিডিঙি খেলপথাৰত ১০ দিনীয়া বৰ্নাঢ্য কাৰ্যসূচীৰে অনুষ্ঠিত হ'বলগীয়া গ্ৰন্থমেলাৰ লাইখুঁটা স্থাপন কৰে উজনি অসমৰ অন্যতম পুথিপ্ৰকাশক আৰু বিতৰক প্ৰতিষ্ঠান সুৰভী সাহিত্য কুটীৰৰ স্বত্বাধিকাৰ তথা বিশিষ্ট সমাজ সেৱক শ্ৰীকান্ত ভৰালীয়ে ।

অনুষ্ঠানত ‘খোজ অসম’ৰ সভাপতি সুব্ৰত বৰ্মন, যুটীয়া সম্পাদক বিশ্ববিজয় ফুকন, যুৱ লেখক সুমন দত্ত, অভিজিত বৰগোহাঁই, শান্তনু দুৱৰা আৰু সাংবাদিক জ্যোতিষ কুমাৰ পাতিৰে উপস্থিত থাকে । আনহাতে এইবাৰ গ্ৰন্থমেলাত দেশৰ বিভিন্ন ৰাজ্যৰ পৰা প্ৰায় ১৫০ৰো অধিক গ্ৰন্থ বিপনীয়ে অংশগ্ৰহণ কৰাৰ নিশ্চিত প্ৰদান কৰিছে ।