ৰঙিয়াত মানৱ সৰবৰাহকাৰীৰ কবলৰ পৰা উদ্ধাৰ কেইবাগৰাকীয়ো লোক

ৰঙিয়া ৰে’ল ষ্টেচন বৰ্তমান অপৰাধীৰ ৰম্যভূমিত পৰিণত হৈছে ৷ ৰে’ল আৰক্ষীয়ে বিভিন্ন সময়ত বহিঃৰাজ্যলৈ কামৰ প্ৰলোভন দি বিক্ৰীৰ বাবে নিয়া শিশু,পুৰুষ,মহিলাক উদ্ধাৰ কৰি আহিছে যদিও মানৱ সৰবৰাহকাৰী চক্ৰটোক উৎখাত কৰিব নোৱাৰাটোৱে ৰাইজৰ মাজত প্ৰশ্নৰ উত্থাপন কৰিছে ৷ আজি ৰে’ল আৰক্ষীয়ে ৰঙিয়া ৰে’ল জংচনত আনন্দবিহাৰ এক্সপ্ৰেছ ৰে’ল গাড়ীখনৰ পৰা বহিঃৰাজ্যলৈ নিবলৈ অনা বিশ্বনাথ জিলাৰ ব্ৰক্ষ্মজান গাঁৱৰ পৰা অহা কেইবাগৰাকী লোকক উদ্ধাৰ কৰিবলৈ সক্ষম হয়, অৱশ্যে মানৱ সৰবৰাহকাৰী দলটোৰ এজনকো ধৰিবলৈ সক্ষম নহ'ল ৷