অসম-নাগালেণ্ড সীমান্তস্থিত পুৰণা লাহৰিজানত এখন ট্ৰাকৰ পৰা জব্দ কৰা হৈছে বৃহৎ পৰিমাণৰ ড্ৰাগছ

আজি পুৱা ৭.১০ বজাত লাহৰিজানত পুৰণা লাহৰীজান আৰক্ষী থানাৰ এচ আই মনুজ্জ্বল গগৈৰ তত্ত্বাৱধানত চলোৱা আৰক্ষীৰ বিশেষ তালাচীত জব্দ কৰিবলৈ সক্ষম হ’ল বৃহৎ পৰিমাণৰ ড্ৰাগছ। বোকাজান মহকুমাৰ আৰক্ষী বিষয়া জন দাসৰ উপস্থিতিত ড্ৰাগছ খিনি জব্দ কৰা হৈছে ৷

জানিব পৰা গৈছে, AS-01-EC-9450 নম্বৰৰ এখন বাৰ চকীয়া ট্ৰাকৰ পৰা জব্দ কৰা হৈছে ২৭টা চাবোনৰ বাকচত প্ৰায় ৩.৩১ গ্ৰাম হিৰোইন যাৰ আন্তজাৰ্তিক বজাৰ মুল্য হ’ব প্ৰায় ২.৩ কোটি টকা ৷

ট্ৰাকখনৰ ড্ৰাইভাৰ মৰিগাঁও জিলাৰ মৈৰাবাৰী থানাৰ অন্তৰ্গত নজৰুল ইছলামক আটক কৰা হৈছে বুলি জানিব পৰা গৈছে। ধৃত ড্ৰাইভাৰজনৰপৰা আৰক্ষীয়ে এতিয়ালৈকে উলিয়াব পৰা তথ্য অনুসৰি, ড্ৰাগছ খিনি ডিমাপুৰৰ পৰা নগাঁৱলৈ লৈ যোৱাৰ কথা আছিল।