ভাৰতীয় গণনাট্য সংঘৰ উদ্যোগত 'জ্যোতি-স্মৰণ' আৰু গণশিল্পী হেমাঙ্গ বিশ্বাস বঁটা প্ৰদান অনুষ্ঠানৰ আয়োজন

অহা ১৭ জানুৱাৰীৰ পুৱা ১০ বজাৰপৰা দিনজোৰা কাৰ্যসূচীৰে গুৱাহাটীৰ লক্ষীধৰ বৰা ক্ষেত্ৰত ভাৰতীয় গণনাট্য সংঘৰ অসম ৰাজ্যিক সমিতিয়ে ৰূপকোঁৱৰ জ্যোতি প্ৰসাদ আগৰৱালাৰ সোঁৱৰণত "জ্যোতি-স্মৰণ" অনুষ্ঠান আৰু হেমাংগ বিশ্বাসৰ সোঁৱৰণত “গণশিল্পী হেমাঙ্গ বিশ্বাস বঁটা” প্ৰদান অনুষ্ঠানৰ আয়োজন কৰিছে।

১৭ জানুৱাৰীৰ পুৱা ১০বজাত পতাকা উত্তোলনেৰে শুভাৰম্ভ হ’ব লগীয়া এই অনুষ্ঠানৰ ১০.৩০ বজাত জ্যোতি-স্মৰণ কাৰ্যসূচীত গুৱাহাটী আৰ্টিষ্ট গীল্ড,চৰকাৰী চাৰুকাৰু কলাৰ চিত্ৰশিল্পী,কাৰ্টুনিষ্ট,ফটোগ্ৰাফাৰসলে নিজস্ব শিল্প সম্ভাৰ লৈ অংশগ্ৰহণ কৰিব ।

দিনৰ ১১ বজাত উদ্বোধনৰ পিছতে হেমাঙ্গ বিশ্বাস বঁটা প্ৰদান কৰা হ’ব।বঁটা প্ৰদান কৰিব বিশিষ্ট বুদ্ধিজীৱী ড: হীৰেন গোহাঁই আৰু যশস্বী কণ্ঠশিল্পী সুদক্ষিণা শৰ্মাই ।