ভেটাপাৰাবাসীলৈ এছবিআইৰ নৱবৰ্ষৰ উপহাৰ:মুকলি হ'ল এছবিআইৰ নতুন শাখা

ইংৰাজী নৱবৰ্ষৰ প্ৰাকক্ষণত ষ্টেট বেংক অব ইণ্ডিয়াৰ মহানগৰবাসীলৈ বিশেষ উপহাৰ।গুৱাহাটীৰ ভেটাপাৰাত মহানগৰবাসীৰ সুবিধাৰ অৰ্থে বৃহস্পতিবাৰে মুকলি কৰিলে টেষ্ট বেংকৰ এটা শাখা। এছবিআইৰ উত্তৰ-পূব শাখাৰ মুখ্য মহাপ্ৰৱন্ধক ৰমেশ আৰ এছে ফিটা কাটি মুকলি কৰে নতুন শাখাটো। উল্লেখ যে মহানগৰীত এছবিআইৰ শাখা বৃদ্ধি হ'ল ৪৮ টালৈ।এই কথা মুখ্য মহাপ্ৰৱন্ধকগৰাকীয়ে জানিবলৈ দিয়ে। মহানগৰীৰ জনতাৰ লগতে ভেটাপাৰাবাসীৰ সুবিধা হোৱাকৈ মুকলি কৰা শাখাটোত উপলদ্ধ হ'ব গ্ৰাহকৰ বাবে সকলো সুবিধা।লকাৰৰ ব্যৱস্থাৰ উপৰি ডিজিটেল লেন-দেনৰ সকলো সা-সুবিধা থাকিব।ইয়াৰ উপৰিও বেংকটোত জ্যেষ্ঠ লোকৰ বাবে থাকিব বিশেষ সুবিধা।