দুৰ্বৃত্তৰ কবলত পৰা অসহায় যুৱতীক উদ্ধাৰ কৰি গুৰুতৰভাৱে আহত সাংবাদিক আফনুৰ আলী

মহানগৰীত পুনৰ সাংবাদিকৰ ওপৰত আক্ৰমণ।গুৱাহাটী মেডিকেল কলেজ হাস্পতালৰ সমীপত পংকজ বৈশ্য নামৰ এটা দুৰ্বৃত্তৰ দা'ৰ ঘাপত গুৰুতৰভাৱে আহত সাংবাদিক আফনুৰ আলী। ঘটনা অনুসৰি সোমবাৰে সন্ধিয়া জিএমচিএইচত কৰ্মৰত পত্নীক আনিবলৈ যাওঁতে জিএমচিএইচৰ এগৰাকী অসহায় নাৰ্ছক দুৰ্বৃত্ত পংকজে চোকা অস্ত্ৰৰে আক্ৰমণ কৰা প্ৰত্যক্ষ কৰে।সাংবাদিক আফনুৰে দুৰ্বৃত্তৰ কবলত পৰা যুৱতী নাৰ্ছগৰাকীক সাহসেৰে উদ্ধাৰ কৰিবলৈ গৈ আক্ৰমণকাৰীৰ দা'ৰ ঘাপত বেয়াকৈ আঘাতপ্ৰাপ্ত হয়।মুখমণ্ডলত ৩৪টাকৈ চিলাই পৰিছে আফনুৰৰ।বৰ্তমান জিএমচিএইচত চিকিৎসাধীন আফনুৰ আৰু দুৰ্বৃত্তৰ কবলত পৰা নাৰ্ছগৰাকী। ইফালে,চোকা অস্ত্ৰধাৰী দুৰ্বৃত্ত পংকজ বৈশ্যক গ্ৰেপ্তাৰ কৰিছে আৰক্ষীয়ে।