লেখিকা বিজুলী দাসৰ দুখন গ্ৰন্থ উন্মোচন

দেওবাৰে অসম সাহিত্য সভা ভৱনত কামৰূপ মহানগৰ জিলা সাহিত্য সভাৰ উদ্যোগত অনুষ্ঠিত এখন গ্ৰন্থ উন্মোচনী সভাত লেখিকা বিজুলী দাসৰ 'বিজ্ঞান বিশ্ব' আৰু "কোৰোনা ভাইৰাছ ক'ভিড-১৯" শীৰ্ষক দুখন গ্ৰন্থ উন্মোচন কৰা হয়।'বিজ্ঞান বিশ্ব' গ্ৰন্থখন উন্মোচন কৰে অসম কলেজ অধ্যক্ষ পৰিষদৰ প্ৰাক্তন সভাপতি তথা পশ্চিম গুৱাহাটী মহাবিদ্যালয়ৰ প্রাক্তন অধ্যক্ষ ডঃ বলেন্দ্ৰ কুমাৰ দাসে।আনহাতে,"কোৰোনা ভাইৰাছ ক'ভিড-১৯" শীৰ্ষক গ্ৰন্থখন উন্মোচন কৰে অসম সাহিত্য সভাৰ উপ-সভাপতি মৃণালিনী দেৱীয়ে।কামৰূপ মহানগৰ জিলা সাহিত্য সভাৰ সভাপতি দাসো কলিতাৰ সভাপতিত্বত অনুষ্ঠিত গ্ৰন্থ উন্মোচনী সভাখনত মহানগৰ জিলা সাহিত্য সভাৰ সম্পাদক ডিম্বেশ্বৰ পাঠক,উপ-সভাপতি মহীধৰ ডেকা,প্রাক্তন পত্ৰিকা সম্পাদক প্ৰফুল্ল বৰ্মন,প্ৰাক্তন উপ-সভাপতি বিষ্ণু ডেকা,উপস্থিত থাকে।গ্ৰন্থখন প্ৰকাশ কৰিছে সৰস্বতী ডি এছ পাব্লিকেশ্বনৰ হৈ সুব্ৰত দেৱনাথে।উল্লেখ্য যে আকাশবাণী গুৱাহাটীৰ অনাতাঁৰ শিল্পী হিচাপে স্বীকৃত বিজুলী ডেকা এগৰাকী বিজ্ঞান-কৰ্মী।তেওঁ 'উত্তৰ-পূৰ্বাঞ্চল প্ৰেৰণা সমন্বয়' বঁটাকে ধৰি কেইবাটাও বঁটা ইতিমধ্যে লাভ কৰিছে।