ৰাজ্যিক বিজেপিৰ সাংস্কৃতিক কোষৰ দায়িত্ব যতীন-বিদ্যালৈ

অভিনেতা যতীন বৰা,কণ্ঠশিল্পী বিদ্যাসাগৰক ৰাজ্যিক বিজেপিত নতুন দায়িত্ব।ৰাজ্যিক বিজেপিৰ সাংস্কৃতিক কোষত দুয়োগৰাকী শিল্পীক নিযুক্তি দলৰ ৰাজ্যিক সভাপতি ৰঞ্জিত দাসৰ।

উল্লেখ যে অভিনেতা যতীন বৰাক সাংস্কৃতিক কোষৰ আহ্বায়ক হিচাপে নিযুক্তি দিয়াৰ বিপৰীতে বিদ্যাসাগৰক সহ-আহ্বায়ক পদত নিযুক্তি দিয়া হৈছে।

গুৰুত্বপূৰ্ণ যে নাগৰিকত্ব সংশোধনী আইনৰ বিৰোধিতা কৰি বিজেপি ত্যাগ কৰা অভিনেতা যতীন বৰাই এসপ্তাহৰ পূৰ্বে পুনৰ বিজেপিত যোগদান কৰিছিল।একেদৰে,'কা' বিৰূদ্ধে আন্দোলন কৰি বিজেপি চৰকাৰক উৎখাতৰ হুংকাৰ প্ৰদান কৰা কণ্ঠশিল্পী বিদ্যাসাগৰও তিনিদিন পূৰ্বে বিজেপিত আনুষ্ঠানিকভাৱে যোগদান কৰিছিল।