জুবিন গাৰ্গ ফেন ক্লাব,শুৱালকুছি আয়োজিত ৰাভা সংগীত প্ৰতিযোগিতাৰ ফলাফল ঘোষণা

মৃণাল ডেকা,শুৱালকুছি:

বিষ্ণু ৰাভা দিৱসৰ  লগত সংগতি ৰাখি অসম ভিত্তিত অনলাইন যোগে  আয়োজন কৰা বিষ্ণু ৰাভা সংগীত প্ৰতিযোগিতাৰ ফলাফলসমূহ 'জুবিন ফেন ক্লাব,শুৱালকুছি'ৰ ডি জে ব্ৰাহ্মিন লাইভ কাৰ্যসূচীৰ জৰিয়তে ২০ জুনত ঘোষণা কৰা হয়।জুবিন গাৰ্গ ফেন ক্লাব,শুৱালকুছিৰ কৰ্মকৰ্তাসকলে জানিবলৈ দিয়া অনুসৰি বিষ্ণু ৰাভা দিৱসৰ লগত সংগতি ৰাখি অসম ভিত্তিত আয়োজন কৰা বিষ্ণু ৰাভা সংগীত প্ৰতিযোগিতাত প্ৰায় ৬০ গৰাকী প্ৰতিযোগীয়ে অংশগ্ৰহণ কৰিছিল।বিশিষ্ট সংগীত পৰিচালক শেখৰজ্যোতি গোস্বামী, জনপ্ৰিয় সংগীত শিল্পী পানচুনা ৰাভা,বাদ্যযন্ত্ৰ শিল্পী ৰাজা বৰুৱা আদিয়ে বিচাৰকৰ দায়িত্ব পালন কৰি তিনিগৰাকী প্ৰতিযোগীক বাচনি কৰে।প্ৰতিযোগিতাখনত প্ৰথম স্থান দখল কৰে উত্তৰ গুৱাহাটীৰ কৃত্বিকা নাথে,দ্বিতীয় স্থান লাভ কৰে গুৱাহাটীৰ দেৱস্মিতা কাশ্যপ আৰু নুমুলীগড়ৰ আইলীন গগৈয়ে।তৃতীয় স্থান লাভ কৰে জালুকবাৰীৰ প্ৰীতি দাসে।জুবিন গাৰ্গ ফেন ক্লাবৰ তৰফৰ পৰা বিচাৰক মণ্ডলী, প্ৰতিযোগিতাত অংশগ্ৰহণ কৰা প্ৰতিযোগীসকলক ধন্যবাদ জনাইছে।
মৃণাল ডেকা ,বংশৰ 
৮৭৬১৯৯৫৫৩৭