বাৰাংহাটীত অনুষ্টুপীয়াকৈ পালন কৰিলে বিষ্ণু ৰাভা দিৱস

নৰেন শৰ্মা,বাহাৰঘাট:

কামৰূপ জিলাৰ পশ্চিম বড়িগোগ মৌজাৰ বাৰাংহাটী ডাকঘৰ চ'কৰ কৃতিৰাম প্ৰাথমিক বিদ্যালয় প্ৰাংগনত অনুষ্টুপীয়াকৈ কলাগুৰু বিষ্ণু প্ৰসাদ ৰাভাৰ ৫১ সংখ্যক স্মৃতি দিৱস পালন কৰে৷তদুপলক্ষে পুৱা ৯ বজাত পতাকা উত্তোলন কৰে অৱসৰপ্ৰাপ্ত শিক্ষক অৱনীকান্ত লহকৰে।ৰাভাৰ প্ৰতিচ্ছবিত মাল্যাৰ্পণ কৰে সাংবাদিক নৰেন শৰ্মাই আৰু গছপুলি ৰোপন কৰে পঃবঃআঞ্চলিক জুনিয়ৰ কলেজৰ বিষয় শিক্ষক ভৱেশ চন্দ্ৰ বৈশ্যই৷

তদুপৰি,পশ্চিম বড়িগোগ শাখা সাহিত্য সভায়ো পতাকা উত্তোলন কৰিয়ে বিষ্ণু ৰাভা দিৱসৰ কাৰ্য্যসূচী সমাপ্ত কৰে৷আনহাতে,নলবাৰী জিলাৰ অন্তৰ্গত বাহাৰঘাট আঞ্চলিক শাখা সাহিত্য সভাই পতাকা উত্তোলন আৰু এলানি সাহিত্য পাঠ কাৰ্য্যসূচীৰে ৰাভা দিৱস  পালন কৰে৷উল্লেখযোগ্য যে আটাইকেইটা অনুুষ্ঠানে সামাজিক দূৰত্ব মানি কাৰ্য্যসূচী ৰূপায়ণ কৰে৷