ক'ৰ'না খবৰ:শনিবাৰে ৰাজ্যত সুস্থ হ'ল ২২১গৰাকী,নতুনকৈ আক্রান্ত হ'ল ২০৭ গৰাকী

ক'ৰ'না ভাইৰাছৰ আতংকৰ মাজতে আছে ভাল খবৰ।ৰাজ্যত প্ৰতিদিনে সুস্থ হৈছে ক'ৰ'না আক্রান্ত।শনিবাৰৰ দিনটোত ৰাজ্যত সুস্থ হ'ল ২২১ জন ক'ৰ'না আক্রান্ত।সুস্থ হৈ উঠা ৰোগীসকলক চিকিৎসালয়ৰ পৰা ঘৰলৈ যাবলৈ দিয়া হয়।এই কথা সদৰি কৰিলে মন্ত্ৰী ড:হিমন্ত বিশ্ব শৰ্মাই।ৰাজ্যত মুঠ সুস্থ ৰোগীৰ সংখ্যা ১৮০৫জনলৈ বৃদ্ধি পাইছে।

ইফালে,নতুনকৈ ২০৭গৰাকী লোক শনিবাৰে  আক্রান্ত হৈছে ৰাজ্যত।মুঠ আক্রান্তৰ সংখ্যা ৩৯০০ জনলৈ বৃদ্ধি পাইছে।

বৰ্তমান চিকিৎসাধীন হৈ আছে ২০৮৪জন।মৃত্যু হৈছে ৮জনৰ।