কলিয়াবৰৰ পাঁচশটা দৰিদ্ৰ পৰিয়ালক খাদ্যসামগ্ৰী বিতৰণ ডব্লিউ-ডব্লিউ-এফ,কলিয়াবৰ প্ৰেছ ক্লাবৰ 

কলিয়াবৰৰ পৰা প্ৰদীপ লস্কৰ:

'লকডাউন'ত সংকটৰ গৰাহত পৰা পাঁচশটা পৰিয়ালৰ কাষত থিয় দিলে বিশ্ব বন্যপ্ৰাণী নিধি,চমুকৈ ডব্লিউ-ডব্লিউ-এফ আৰু কলিয়াবৰ প্ৰেছ ক্লাব৷মঙলবাৰে ডব্লিউ-ডব্লিউ-এফ,অসমৰ কাজিৰঙা গোটৰ এই কাৰ্য্যত সহযোগ কৰে কলিয়াবৰ মহকুমা প্ৰশাসনে৷ লকডাউনৰ জটিল সময়ছোৱাত বিশ্ব বন‍্যপ্ৰাণী নিধিয়ে প্ৰকৃতি সেৱাৰ লগতে সোমবাৰে জখলাবন্ধা গাঁও পঞ্চায়তৰ অন্তৰ্গত পাঁচশটা পৰিয়ালক সহায় কৰিলে।লগতে স্বাস্থ‍্য বিভাগৰ জৰুৰীকালিন সেৱাৰ লগত জড়িত নিৰ্বাচিত ব‍্যক্তিকো খাদ‍্য সামগ্ৰী তথা প্ৰয়োজনীয় সামগ্ৰী বিতৰণ কৰে। উল্লেখযোগ‍্য যে এই সময়ছোৱাত বিভিন্ন চৰকাৰী আঁচনিৰ জৰিয়তে হিতাধকাৰীসকলক সাহায্য আগবঢ়োৱা হৈছে যদিও কিছুসংখ‍্যক বাদ পৰি যোৱা পৰিয়ালক ডব্লিউ-ডব্লিউ-এফৰ বিশেষ সহযোগত কলিয়াবৰ মহকুমা প্ৰশাসন আৰু কলিয়াবৰ প্ৰেছ ক্লাবৰ উদ‍্যোগত এই সাহায‍্য বিতৰণ কৰে।জখলাবন্ধা গাঁও পঞ্চায়তৰ কাৰ্য‍্যালয় পৰিসৰত বিতৰণ অনুষ্ঠানত উপস্থিত থাকে কলিয়াবৰৰ মহকুমাধিপতি বিতুপন নেওগ, চক্ৰ বিষয়া দ‍্যুতিভা বৰা,জখলাবন্ধা আৰক্ষী নিৱেশৰ আৰক্ষী বিষয়া নিপু কলিতা, কলিয়াবৰ প্ৰেছ ক্লাবৰ সভাপতি নৃপেন চন্দ্ৰ কেওঁট,ডব্লিউ-ডব্লিউ-এফৰ সমন্বয়ক ড°প্ৰণৱ বৰা,জখলাবন্ধা গাঁও পঞ্চায়তৰ সভানেত্ৰী তৃষাৰাণী শইকীয়াসহ বহুকেইগৰাকী গন্যমান্য ব্যক্তি।

কলিয়াবৰ