'লকডাউন' ৩.০:প্ৰশাসনৰ অনুমোদিত অত্যাৱশ্যকীয় সামগ্ৰীৰ দোকানহে খুলিব পাৰিব গোলাঘাট জিলাত

গোলাঘাটৰ পৰা মীনাক্ষি ফুকন:

দেশত তৃতীয় পৰ্যায়ৰ 'লকডাউন'ত চৰকাৰী ঘোষণা অনুসৰি গোলাঘাট জিলা সেউজ মণ্ডলত প্ৰৱেশ কৰিলে যদিও সোমবাৰে গোলাঘাট জিলা প্ৰশাসনে মাইক যোগে ঘোষণা কৰিছে কেতবোৰ নিৰ্দেশ।সেইমৰ্মে,অত্যাৱশ্যকীয় সামগ্ৰীৰ ক্ষেত্ৰতো জিলাখনৰ সকলো দোকান খোলাৰ অনুমতি দিয়া নাই প্ৰশাসনে।কেৱল প্ৰশাসনৰ অনুমোদিত অত্যাৱশ্যকীয় সামগ্ৰীৰ দোকানহে খুলিব পাৰিব বিক্ৰেতাই।বিশ্বত্ৰাস ক'ৰ'না ভাইৰাছ প্ৰাদুৰ্ভাৱৰ কাৰক সুনিশ্চিত কৰাৰ পিছতহে সকলো দোকান-পোহাৰ খোলাৰ অনুমতি দিব।সেই সম্পৰ্কত গোলাঘাট ছেম্বাৰ্চ অৱ কৰ্মাচৰ বিষয়াববীয়াৰ সৈতে আলোচনা কৰি সকলো কৰ্ম-কৌশল যুগুত কৰাৰ পিছতহে সকলো ব্যৱসায়িক প্ৰতিষ্ঠান তথা দোকানসমূহলৈ নিৰ্দেশনা জাৰি কৰিব।