মুখ্যমন্ত্ৰী সৰ্বানন্দ সোণোৱালে হাত চাপৰি বজাই অভিবাদন জনালে জৰুৰীকালীন সেৱাত নিয়োজিতসকলক

ক'ৰ'না ভাইৰাছ সংক্ৰমণ প্ৰতিৰোধৰ বাবে দেওবাৰে দেশজুৰি 'জনতা কাৰ্ফিউ' পালন কৰা হয়।জনতা কাৰ্ফিউ চলি থকাৰ মাজতে আবেলি পাঁচ বজাত প্ৰধানমন্ত্ৰী নৰেন্দ্ৰ মোডীৰ আহ্বানত শুনিবলৈ পোৱা গ'ল হাত চাপৰি,ডবা-শংখ, বৰকাহ বজাই জৰুৰীকালীন সেৱাত নিয়োজিত ব্যক্তিসকলক অভিবাদন জনোৱা। ৰাজ্যৰ মুখ্যমন্ত্ৰী সৰ্বানন্দ সোণোৱালেও পাঁচ বজাৰ লগে লগে হাত চাপৰি বজাই অভিবাদন জনাই চিকিৎসা-কর্মী,পুলিচ, সাংবাদিকসকলক।