শিক্ষক তপন দাসৰ অকাল মৃত্যুত হাজোত শোকৰ ছাঁ 

হাজোৰ পৰা কমলাকান্ত দাস:

কামৰূপ জিলাৰ হাজো ৰাজহ চক্ৰৰ অন্তৰ্গত হাজো সোণাৰীটোলা নিৱাসী বিশিষ্ট সমাজকৰ্মী তথা লাহ পদ্মৰাম ভৰালী হাই স্কুলৰ সহকাৰী শিক্ষক তপন দাসৰ শুকুৰবাৰে গুৱাহাটীৰ এখন ব্যক্তিগত চিকিৎসালয়ত চিকিৎসাধীন অৱস্থাত মৃত্যু হয়।মৃত্যুৰ সময়ত তেওঁঁৰ বয়স হৈছিল ৫৪ বছৰ।প্ৰয়াত তপন দাসে শিক্ষকতাৰ উপৰিও অঞ্চলটোৰ সকলো সামাজিক অনুষ্ঠান-প্ৰতিষ্ঠান,শিক্ষানুষ্ঠানৰ লগত ওতঃপ্ৰোতভাৱে জড়িত হৈ আছিল ।তেওঁৰ অকাল মৃত্যুত এমট্ৰনৰ উপ-প্ৰৱন্ধক দিনমণি ভাণ্ডাৰ কায়স্থ,সদৌ অসম ছাত্ৰ সন্থাৰ সহকাৰী সাধাৰণ সম্পাদক প্ৰকাশ চন্দ্ৰ দাস,হাজো শিক্ষা খণ্ডৰ শিক্ষা বিষয়া প্ৰবীণ শৰ্মা,অঞ্চলটোৰ বিভিন্ন অনুষ্ঠান-প্ৰতিষ্ঠান, ব্যক্তিৰ লগতে লাহ পদ্মৰাম ভৰালী হাইস্কুলৰ সমূহ শিক্ষক-শিক্ষয়িত্ৰী,ছাত্ৰ ছাত্ৰীয়ে শোক প্ৰকাশ কৰি শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰাৰ লগতে বিদেহ আত্মাৰ চিৰশান্তি কামনা কৰে।মৃত্যুৰ সময়ত পত্নী আৰু একমাত্ৰ পুত্ৰ সন্তানসহ বহু আত্মীয়ক তেওঁ ইহসংসাৰত এৰি থৈ যায়।