নলবাৰীত বেম্ব' মিছনৰ উদ্যোগত সজাগতা মূলক কৰ্মশালা

নলবাৰীৰ পৰা হেমন্ত কলিতাৰ প্ৰতিবেদন:
নলবাৰীৰ চহৰৰ নাট্য মন্দিৰৰত বৃহস্পতিবাৰে বেম্বো মিচনৰ অধীনত এখন সজাগতা সভা অনুষ্ঠিত হৈ যায় ৷ উক্ত সজগতা মুলক কৰ্মশালাত অংশগ্ৰহণ কৰে নলবাৰী‌ জিলাৰ মাননীয়‌ উপায়ুক্ত ভাৰত ভূষণ দেৱচৌধুৰী,বিজেপিৰ নলবাৰী জিলা সমিতিৰ সভাপতি ডাঃ মৃগাংক তালুকদাৰৰ লগতে বাঁহ বেত শিল্পৰ লগত জড়িত  নলবাৰীবাসী শতাধিক ৰাইজ উপস্থিত থাকে। উক্ত অনুষ্ঠানত বেম্বো মিচনৰ ভালেসংখ্যক বিষয়া উপস্থিত থকাৰ উপৰি নলবাৰী জিলা বানিজ্য কেন্দ্ৰৰ বিষয়া কৰ্মচাৰী সকলো উপস্থিত থাকে ৷জিলাখনৰ  স্থানীয় মহিলা আৰু পুৰুষ আত্মসহায়ক গোট সমূহৰ সদস্য সকলেও উক্ত কৰ্মশালাত অংশগ্ৰহণ কৰে। বিশেষকৈ গ্ৰাম্যাঞ্চলৰ পুৰুষ আৰু মহিলা সকলক বাঁহ-বেতৰ উদ্যোগৰ জৰিয়তে স্বাৱলম্বী কৰা আৰু বিশ্বৰ দৰবাৰত অসমৰ বাঁহ-বেতৰ সামগ্ৰীসমূহক পৰিচয় কৰাই দিয়াৰ উদ্দেশ্যৰে এই বিশেষ  কাৰ্যসূচী লোৱা হৈছে বুলি বেম্বো মিচনৰ বিষয়াই এই প্ৰতিবেদকক জানিবলৈ দিয়ে।