হাজোৰ শনিয়াদীত গৰীয়া-মৰিয়া দেশী জাতীয় পৰিষদৰ সভা

হাজোৰ পৰা কমলাকান্ত দাস:

হাজোৰ শনিয়াদী এ এছ আঞ্চলিক ছোৱালী হাইস্কুল প্ৰাংগনত শিক্ষক আয়ুব আলীৰ অনুষ্ঠিত হাজো আঞ্চলিক গৰীয়া- মৰিয়া দেশী জাতীয় পৰিষদৰ আহ্বায়ক কমিটিৰ আহ্বানত এখন সাধাৰন সভা দেওবাৰে বিয়লিৰ ভাগত অনুষ্ঠিত হয়।শিক্ষক আয়ুব আলীৰ সভাপতিত্বত অনুষ্ঠিত সভাত উপস্থিত থাকে সদৌ অসম গৰীয়া-মৰিয়া দেশী জাতীয় পৰিষদৰ কেন্দ্ৰীয় সভাপতি হাফিজুৰ ৰহমান,কেন্দ্ৰীয় কাৰ্যকৰী সভাপতি নুৰুল হক,উপ-সভাপতি জিম পাটগিৰীকে ধৰি কেইবাগৰাকীও কেন্দ্ৰীয় তথা কামৰূপ জিলা সমিতিৰ বিশিষ্ট বিষয়ববীয়া।উক্ত সভাত সৰ্বসন্মতিমৰ্মে হাজো আঞ্চলিক গৰীয়া-মৰিয়া দেশী জাতীয় পৰিষদৰ এখন কমিটী গঠন কৰা হয়।লগতে হাজো আঞ্চলিক গৰীয়া- মৰিয়া দেশী জাতীয় পৰিষদৰ নতুন সভাপতিৰূপে দলৈতোলা নিবাসী আমানুৰ ৰহমান (ৰিপন), সাধাৰণ সম্পাদক পদত মখলিছৰ ৰহমান আৰু অন্যান্য বিষয়ববীয়াসকলক বাছনি কৰা হয়।সভাত দুই শতাধিক নাগৰিক উপস্থিত থাকে।