আলফা(স্বা)ৰ মুখ্য সেনাধ্যক্ষ পৰেশ বৰুৱালৈ ৰাজ্য চৰকাৰৰ হৈ প্ৰথমটো ৰাজহুৱা আহ্বান মন্ত্ৰী ডঃহিমন্ত বিশ্ব শৰ্মাৰ:সশস্ত্ৰ সংগ্রাম পৰিহাৰ কৰক

স্বাক্ষৰিত বড়ো শান্তি চুক্তিৰ পিচতে সংযুক্ত মুক্তি বাহিনী,অসম(স্বাধীন)লৈ প্ৰথমটো ৰাজহুৱা আহ্বান ৰাজ্য চৰকাৰৰ।আলফা(স্বা) মুৰব্বী পৰেশ বৰুৱাক দিছপুৰৰ এখন সংবাদ মেলৰ জড়িয়তে ৰাজ্য চৰকাৰৰ হৈ আহ্বান জনাই বিত্তমন্ত্ৰী ড:হিমন্ত বিশ্ব শৰ্মাই কয়-'অসমৰ স্থায়ী শান্তিৰ বাবে আলোচনালৈ আহক পৰেশ বৰুৱা।ভাৰত চৰকাৰ সাজু আছে আলোচনাৰ বাবে।' ইয়াৰ লগতে মণিপুৰৰ আৰু অসমৰ অন্যান্য সশস্ত্ৰ সংগঠনসমূহলৈ আহ্বান জনাই মন্ত্ৰী শৰ্মাই আৰু কয়-'আপোনালোকে সশস্ত্ৰ সংগঠন পৰিহাৰ কৰি ভাৰত চৰকাৰৰ লগত আলোচনাত অংশগ্ৰহণ কৰক। ৰাজ্য দুখনলৈ কঢ়িয়াই আনক স্থায়ী শান্তি।'