বাহাৰঘাটত মুখ্যমন্ত্ৰীৰ প্ৰতিকৃতিক গছত ওলোমাই প্ৰতিবাদ 'আছু'ৰ

নৰেন শৰ্মা,বাহাৰঘাট: যোৱা ১ জানুৱাৰীত বছৰৰ পহিলা দিনটোতে মুখ্যমন্ত্ৰী সৰ্বানন্দ সোণোৱাল সৰ্থেবাৰীৰ কৃষ্ণগুৰু সেৱাশ্ৰমলৈ যোৱাৰ পথত নলবাৰীৰ খাৰজাৰা,টিহু,দাহুদী আদিকে ধৰি বিভিন্ন ঠাইত আছু আৰু এজেৱাইচিপিৰ প্ৰতিনিধিয়ে ক'লা পতাকা প্ৰদৰ্শন কৰি বিভিন্ন প্ৰতিবাদী শ্লোগানৰে পৰিৱেশ উত্তাল কৰিছিল৷তাক প্ৰতিহত কৰিবলৈ আৰক্ষী আৰু চিআৰপিএফ জোৱানে লাঠীচাৰ্জ কৰি বৰ্বৰ অত্যাচাৰ কৰাৰ প্ৰতিবাদ জনাই নলবাৰী জিলা ছাত্ৰ সন্থাৰ আহ্বানত বৃহস্পতিবাৰে বাহাৰঘাট আঞ্চলিক ছাত্ৰ সন্থাই বাহাৰঘাট চ'কত এজোপা আঁঁহত গছত মুখ্যমন্ত্ৰীৰ প্ৰতিকৃতিক ওলোমাই প্ৰতীকি ৰূপত ফাঁঁচী দিয়ে৷উল্লেখ্য যে সেইদিনা আৰক্ষীৰ লাঠী চালনাত এজন আছু কৰ্মী গুৰুতৰভাৱে আহত হৈ বৰ্তমান চিকিৎসাধীন হৈ আছে।