শিৱসাগৰত সাংসদ তপন কুমাৰ গগৈক আছুৰ ক'লা পতাকা প্ৰদৰ্শন

শিৱসাগৰৰ পৰা কল্যাণজ্যোতি বুঢ়াগোহাঁই:

শিৱসাগৰ আৱৰ্ত ভৱনত বৃহস্পতিবাৰে বিয়লি সাংসদ তপন কুমাৰ গগৈক একাংশ 'আছু' কৰ্মীয়ে ক'লা পতাকা প্ৰদৰ্শন কৰাৰ লগতে আৱৰ্ত ভৱনৰ সন্মুখত ঘেৰাও কৰি ৰাখে সাংসদগৰাকীক। আছু কৰ্মীয়ে বিজেপি চৰকাৰ,দল আৰু তপন গগৈক উদ্দেশ্য কৰি বিভিন্ন শ্ল'গান দিয়াৰ লগতে আছুত থকাৰ সময়ত বিদেশীৰ বিৰুদ্ধে তপন গগৈয়ে কোৱা কথা সোঁৱৰাই দি উত্তাল প্ৰতিবাদ সাব্যস্ত কৰে। দীৰ্ঘ সময় ধৰি আবৰ্ত ভৱনৰ সন্মুখত অৱস্থান কৰি থকা আছুৰ দলটোক জিলা দণ্ডাধীশগৰাকীয়ে জিলাখনত বলৱৎ হৈ থকা ১৪৪ ধাৰা ভংগ কৰি থকাৰ হেতু তাৰ পৰা প্ৰতিবাদী কাৰ্যসূচী উঠাই ল'বলৈ আহ্বান জনাই। কিন্তু প্ৰতিবাদকাৰীসকলে তপন গগৈ ওলাই নহা পৰ্যন্ত প্ৰতিবাদস্থলীৰ পৰা নাযায় বুলি স্পষ্ট কৰি দিয়াত আৰক্ষীয়ে বলপূৰ্বকভাৱে আটক কৰি শিৱসাগৰ সদৰ থানালৈ লৈ যায়।