পাইকাৰকুছিত বিধায়ক অশোক শৰ্মাক 'আছু'ৰ ক'লা পতাকা প্ৰদৰ্শন,ঘেৰাও

নৰেন শৰ্মা,বাহাৰঘাট:

নলবাৰী জিলাৰ পাইকাৰকুছিত বৃহস্পতিবাৰে দুপৰীয়া বিজেপি বিধায়ক অশোক শৰ্মাক ক'লা পতাকা প্ৰদৰ্শন কৰে 'আছু' সদস্যই।বিধায়ক অশোক শৰ্মা মুৰ্দাবাদ,মুখ্যমন্ত্ৰী সৰ্বানন্দ সোণোৱাল মুৰ্দাবাদ,হিমন্ত বিশ্ব মুৰ্দাবাদ,আৰএছএছ মুৰ্দাবাদ ধ্বনিৰে আছু সদস্যসকলে উত্তাল কৰে পাইকাৰকুছিৰ ৰাজপথ।উল্লেখযোগ্য যে পাইকাৰকুছিত এটা অনুষ্ঠানত অংশগ্ৰহণ কৰিছিল বিধায়কগৰাকীয়ে।বিধায়ক শৰ্মাই অংশগ্ৰহণ কৰিছিল পাইকাৰকুছিত আৰম্ভ হোৱা ১৭ সংখ্যক সদৌ অসম আন্ত:জিলা মিনি ভলীবল প্ৰতিযোগিতাৰ কাৰ্যসূচীত।নলবাৰী জিলা আছুৰ এই প্ৰতিবাদৰ সন্মুখীন হৈ লাজে-অপমানে উভতিল বিধায়কগৰাকী।