বাহাৰঘাট আঞ্চলিক ছাত্র সন্থাৰ সমিতি গঠন

নৰেন শৰ্মা,বাহাৰঘাট:

নলবাৰী জিলা ছাত্র সন্থাৰ অন্তৰ্গত বাহাৰঘাট আঞ্চলিক ছাত্ৰ সন্থাৰ আঞ্চলিক সমিতিখন গঠনৰ উদ্দেশ্যে দেওবাাৰে এখন ৰাজহুৱা সভা অনুষ্ঠিত  কৰা হয়।বাহাৰঘাট উচ্চ বুনিয়াদী বিদ্যালয়ত অনুষ্ঠিত আৰু বৰভাগ আঞ্চলিক ছাত্ৰ সন্থাৰ সভাপতি ব্ৰজেন কলিতাৰ সভাপতিত্বত অনুষ্ঠিত সভাখনত প্ৰাক্তন ছাত্ৰ নেতা সুৰেশ চন্দ্ৰ শৰ্মা, অৱসৰপ্ৰাপ্ত শিক্ষক অৰূপ ডেকা, পুলিন তালুকদাৰ,  বিদ্যালয়ৰ প্ৰধান শিক্ষক মনমোহন শৰ্মাই বক্তব্য প্ৰদান কৰাৰ লগতে নলবাৰী জিলা ছাত্র সন্থাৰ সভাপতি গুণজিৎ পাঠক, সম্পাদক অক্ষয় ডেকা, শিক্ষা সম্পাদক ৰিয়াজ উদ্দিন আহমেদে সাংগঠনিক বিষয়ত বক্তব্য           প্ৰদান কৰে।

সভাত উপস্থিত থাকে সদৌ নলবাৰী জিলা ছাত্র সন্থাৰ উপ সভাপতি উৎপল কলিতা, সহ: সাধাৰণ সম্পাদক নিৰোজ উদ্দিন আহমেদ, জিলা কাৰ্যনিৰ্বাহক ৰঞ্জিত শৰ্মা,বিশ্বজিত সাউদ, সাহিত্য সম্পাদক গৌতম বেজবৰুৱা, ৰঙিয়া মহকুমা ছাত্র সন্থাৰ সম্পাদক ভৱজ্যোতি ডেকা, কামৰূপ জিলা সন্থাৰ কাৰ্যনিৰ্বাহক সদস্য কমল কলিতা । উক্ত সভাত বাহাৰঘাট আঞ্চলিক ছাত্ৰ সন্থাৰ আগন্তুক কাৰ্যকালৰ বাবে জ্যোতিৰ্ময় গাৰ্গক সভাপতি আৰু বিকি শৰ্মাক সম্পাদক হিচাপে লৈ এখন একৈশজনীয়া সমিতি গঠন কৰা হয়। সভাৰ আঁত ধৰে নৰেন শৰ্মাই।