গোৱালপাৰাত ৰাভা সংগ্ৰহালয় উদ্বোধন 

আগিয়াৰ পৰা উৎপল ৰাভাৰ প্রতিবেদন :

ৰাভা হাছং স্বায়ত্ত শাসিত পৰিষদৰ অৰ্থ সাহায্যৰে ৩৯ লাখ টকা ব্যয় সাপেক্ষে গোৱালপাৰা জিলাৰ  মালাধৰা-আমগুৰিত নৱনিৰ্মিত ৰাভা সংগ্ৰহালয়ৰ ভৱনটোৰ  শুকুৰবাৰে আনুষ্ঠানিকভাৱে শুভ উদ্বোধন কৰে ৰাভা হাছং স্বায়ত্ত শাসিত পৰিষদৰ মুখ্য কাৰ্যবাহী সদস্য টংকেশ্বৰ ৰাভাই।শুভ উদ্বোধনী অনুষ্ঠানত ৰাভা হাছঙৰ আন দুগৰাকী কাৰ্যবাহী সদস্য জ্যোতিকা ৰাভা আৰু হৰিশ চন্দ্ৰ ৰাভা,ভাৰতীয় জনতা পাৰ্টিৰ গোৱালপাৰা জিলা সংখ্যালঘু মৰ্চাৰ সভাপতি নুৰজামাল শিকদাৰৰ উপৰিও বহু গণ্য মান্য ব্যক্তি উপস্থিত থাকে। অনুষ্ঠানত টংকেশ্বৰ ৰাভাই ৰাভা সংগ্ৰহালয় সম্পূৰ্ণ কৰি তুলিবলৈ পুনৰ চলিত বিত্তীয় বৰ্ষত বিশ লাখ টকা অনুদান দিয়াৰ কথা ঘোষণা কৰে।