জেংৰাইমুখ গণশক্তি-নাৰীশক্তিৰ তৃতীয় ত্ৰি-বাৰ্ষিক অধিৱেশন সম্পন্ন

'নিউজ এএছএন' প্ৰতিবেদক,মাজুলী:

 সন্মিলিত গণশক্তি আৰু নাৰীশক্তি জেংৰাইমুখ আঞ্চলিক সমিতিৰ তৃতীয় ত্ৰি-বাৰ্ষিক অধিৱেশন দেওবাৰে এদিনীয়া কাৰ্যসূচীৰে অনুষ্ঠিত হয়।জেংৰাই মঘূৱাচুুক ৰংগমঞ্চত অনুষ্ঠিত আৰম্ভণিৰ কাৰ্যসূচী আছিল সামূহিক চাফাই, পতাকা উত্তোলন।    পতাকা  উত্তোলন কৰে ক্ৰমে গণশক্তিৰ সভাপতি দেৱনাথ দলে আৰু নাৰীশক্তিৰ সভানেত্ৰী কল্পনা পেগুৱে । ইয়াৰ পিছত প্ৰতিনিধি সভা অনুষ্ঠিত কৰা হয়।গণশক্তিৰ কেন্দ্ৰীয় সদস্য নীলকান্ত দলেই উদ্বোধন কৰা সভাত ড্ৰাগছ প্ৰচলন বন্ধ কৰা,গণশক্তিৰ দলীয় সাংগঠনিক দিশ সম্প্ৰসাৰণ কৰা,নিপীড়িত-নিস্পেষিত লোকক দলৰ ফালৰ পৰা সহায় আগবঢ়োৱা, পঞ্চায়তীৰাজ ব্যৱস্থাত সকলো লোককে জড়িত কৰা আদি কেইবাটাও বিষয়ত গভীৰভাৱে আলোচনা কৰি সিদ্ধান্ত লোৱা হয়। দিনৰ এঘাৰ বজাৰ পৰা আৰম্ভ হোৱা মুকলি সভা  উদ্বোধন কৰে গণশক্তিৰ কেন্দ্ৰীয় সদস্য তথা ৩০ নং চাংগা মাজুলী মিচিং স্বায়ত্ব শাসিত পৰিষদৰ সাধাৰণ সদস্য নীলকান্ত দলেই । গণশক্তি জেংৰাইমুখ পঞ্চায়ত সমিতিৰ সভাপতি দেৱনাথ দলে আৰু নাৰীশক্তিৰ সভানেত্ৰী কল্পনা পেগুৱে যুটীয়াভাৱে সভাপতিত্ব কৰা মুকলি সভাত মুখ্য অতিথি হিচাপে গণশক্তি কেন্দ্ৰীয় সমিতিৰ অন্যতম সাধাৰণ সম্পাদক ৰাজু খনিকৰ;বিশিষ্ট অতিথি হিচাপে ক্ৰমে চাপল দলে,প্ৰেমধৰ দলে, গণশক্তি উজনি মাজুলী ব্লক সমিতিৰ সভাপতি তথা জিলা পৰিষদ সদস্য দেৱজিৎ পাতিৰ, সম্পাদক দিলীপ বৰা,উজনি মাজুলী নাৰীশক্তিৰ সভানেত্ৰীৰ ছায়াদেৱী বৰা,সম্পাদিকা মামণি পেগু,জ্যেষ্ঠ কৰ্মী হৰিপ্ৰসাদ পেগু, ৰাকেশ পাতিৰ আদি উপস্থিত থাকে । এই সভাতে বিজেপি,কংগ্ৰেছ, অগপ আদি বিভিন্ন ৰাজনৈতিক দলৰ কৰ্মী তথা সমৰ্থক প্ৰায় শতাধিক লোকে গণশক্তি দলত আনুষ্ঠানিকভাৱে যোগদান কৰে।গণশক্তি জেংৰাইমুখ পঞ্চায়ত সমিতিৰ সভাপতি হিচাপে চক্ৰজিৎ পেগু আৰু সম্পাদক হিচাপে শিৱনাথ দলে;নাৰীশক্তি সমিতিৰ সভানেত্ৰী হিচাপে ভেলেন্টিনা দলে আৰু সম্পাদিকা হিচাপে দীপামনি দলেক লৈ নতুন সমিতি গঠন কৰা হয় ।