নৰ্থ বইটামাৰী আঞ্চলিক নাথ-যোগী ছাত্ৰ সন্থাৰ দ্বিতীয় বাৰ্ষিক সভা সম্পন্ন

বঙাইগাঁৱৰ প্ৰতিবেদক:

নৰ্থ বইটামাৰী আঞ্চলিক নাথ-যোগী ছাত্ৰ সন্থাৰ দ্বিতীয় বাৰ্ষিক সভাখন মঙলবাৰে বঙাইগাঁও জিলাৰ ৰসিগাঁওস্থিত( টিলাপাৰা) শ্ৰীশ্ৰী দৌল পূৰ্ণিমা মন্দিৰ প্ৰাংগণত দিনযোৰা কাৰ্যসূচীৰে অনুষ্ঠিত হৈ যায় ৷ ৰসিগাঁও শাখা নাথ- যোগী ছাত্ৰ সন্থাৰ সহযোগত অনুষ্ঠিত দ্বিতীয় বাৰ্ষিক সভাৰ কাৰ্যসূচী অনুসৰি পুৱা সদৌ অসম নাথ- যোগী ছাত্ৰ সন্থাৰ পতাকা উত্তোলন কৰে নৰ্থ বইটামাৰী আঞ্চলিক নাথ- যোগী ছাত্ৰ সন্থাৰ সভাপতি যোগী ভৱেন চন্দ্ৰ নাথে আৰু স্ব- জাতীয় পতাকা উত্তোলন কৰে ৰসিগাঁও শাখা নাথ - যোগী ছাত্ৰ সন্থাৰ সভাপতি যোগী হোমেন নাথে ৷ ইয়াৰ পিচতে ছহিদ তৰ্প‌ন কাৰ্যসূচী মুকলি কৰে নৰ্থ বইটামাৰী আঞ্চলিক নাথ - যোগী ছাত্ৰ সন্থাৰ সম্পাদক যোগী ব্ৰজেন নাথে আৰু গছপুলি ৰোপন কৰে যোগী লোৰেশ্বৰ নাথে ৷ সভাৰ লগত সংগতি ৰাখি চিত্ৰাংকণ আৰু কবিতা আবৃতি প্ৰতিযোগিতাও অনুষ্ঠিত হয় ৷ দুপৰীয়াৰ ভাগত অনুষ্ঠিত হয় মুকলি সভা ৷ মুকলি সভাত সদৌ অসম নাথ- যোগী ছাত্ৰ সন্থাৰ সাধাৰণ সম্পাদক অৰবিন্দ নাথে মুখ্য অতিথি ,কেন্দ্ৰীয় কাৰ্যনিৰ্বাহক বকুল নাথ ,বঙাইগাঁও জিলা নাথ- যোগী ছাত্ৰ সন্থাৰ সভাপতি জনাৰ্দন নাথ ,সম্পাদক টুটুমনি নাথ,আই অ চি এল বঙাইগাঁৱৰ জে ই এ বলোৰাম নাথ  আৰু জিলা যোগী সন্মিলনীৰ প্ৰাক্তন সভাপতি অশোক নাথ বিশিষ্ট অতিথি তথা সমাজসেৱক ৰঞ্জিত কুমাৰ নাথ ,ধনঞ্জয় গোস্বামী, নৰ্থ বইটামাৰী আঞ্চলিক নাথ- যোগী ছাত্ৰ সন্থাৰ উপদেষ্টা ছত্ৰপতি নাথ আৰু অঞ্জন কুমাৰ নাথ আৰু ৰসিগাঁও শাখা নাথ- যোগী ছাত্ৰ সন্থাৰ উপদেষ্টা টুলেন নাথ আমন্ত্ৰিত অতিথি হিচাপে উপস্থিত থাকে ৷ সভাত বিভিন্নজনে বক্তব্য প্ৰদান কৰে।