পাকিস্তানী সেনাৰ ওপৰত ভাৰতীয় সেনাৰ প্ৰচণ্ড প্ৰতিশোধ:নিধন কৰিলে ২০ টা পাকিস্তানী সেনা আৰু সন্ত্ৰাসবাদীক

পাকিস্তানী সেনাৰ ওপৰত প্ৰচণ্ড প্ৰতিশোধ ল'লে ভাৰতীয় সেনাই।দেওবাৰে পুৱা পাকিস্তানী সেনাই ভাৰতীয় এলেকাৰ নংধাৰ খণ্ডত গুলী বর্ষণ কৰাত দুজন সেনা জোৱান শ্বহীদ হোৱাৰ লগতে এজন সাধাৰণ নাগৰিকে  মৃত্যু বৰণ কৰিব লগা হোৱাৰ  পিছত ভাৰতীয় সেনাই আজিয়েই নিয়ন্ত্ৰণ ৰেখা পাৰ নোহোৱাকৈয়ে  পাকিস্তানী  সেনাৰ ওপৰত   প্ৰচণ্ড প্ৰহাৰ কৰে।ভাৰতীয়  সেনাই পাকিস্তানী সেনা আৰু  সন্ত্ৰাসবাদী শিবিৰৰ ওপৰত গোলা বর্ষণ কৰি  ২০  জন পাকিস্তানী  সেনা আৰু   সন্ত্ৰাসবাদীক নিধন কৰে।লগতে,পাকিস্তান অধিকৃত কাশ্মীৰৰ নীলম উপত্যকাৰ ৭ টা সন্ত্ৰাসবাদী শিবিৰ বিনষ্ট কৰে।ভাৰতীয় সেনাই আক্ৰমণত আৰ্টিলেৰী গানৰ ব্যৱহাৰ কৰিছিল।